Espiritu

Maysaka nga espiritu nga anak ti Nailangitan nga Ama, ken nagbiagka a kas maysa nga espiritu sakbay a naipasngayka iti daga. Kabayatan ti biagmo iti daga, naibalay ti espiritum iti pisikal a bagim, a naipasngay kadagiti mortal a nagannak.

Manipud kadagiti nasantuan a kasuratan, masursurotayo maipapan ti kasasaad dagiti espiritutayo. Masursurotayo a “banag ti amin nga espiritu, ngem napimpino wenno natartarnaw, ket kabaelan la a makita ti natartarnaw a mata” (DkK 131:7). Mabasatayo a “ti espiritu ti tao [ket] kalanglanga ti katataona, a kas met iti espiritu ti ayup, ken amin a parsua a pinarsua ti Dios” (DkK 77:2; kitaen met iti Ether 3:7–16).

Isuro pay dagiti nasantuan a kasuratan nga iti panawen ti pisikal nga ipapatay, saan a matay ti espiritu. Sumina daytoy iti bagi ket agindeg iti lubong ti espiritu kalpasan daytoy a biag. Iti panawen ti panagungar, tumipon ti espiritu iti bagi, “a saanton nga agsina; isu nga agbalin ti sibubukel a naespirituan ken saan a matay” (Alma 11:45).

Dagiti mainayon a reperensia: Taga Roma 8:16–17; 2 Nephi 9:10–13; DkK 93:29, 33

Kitaen met iti Plano ti Pannakaisalakan; Panagungar; Kararua