Panagpatato
Naiget a saan nga anamongan dagiti propeta iti ud-udina nga aldaw ti panagpatato iti bagi. Dagiti saan a mangikankano iti daytoy a balakad ket mangipakita iti kinaawan respeto iti bagida ken iti Dios. Insuro ni Apostol Pablo ti maipapan iti kinapateg dagiti bagitayo ken ti peggad ti panangigagara a panangrugit kadagitoy: “Dikay ammo a dakay ti templo ti Dios, ket ti Espiritu ti Dios agtaeng kadakayo? No siasino man a tao dadaelenna ti templo ti Dios, isu rebbaento ti Dios; ta ti templo ti Dios nasantuan, ket dayta a templo dakayo” (1 Taga Corinto 3:16–17).
No addaanka iti tato, addaanka iti kanayon a palagip iti biddut nga inaramidmo. Mabalin nga ibilangmo ti panangpaikkat iti daytoy.