1 Ne mu dituku adi, bakaji muanda muteketa nebakuata muluma umua, bamba: Netudia diampa dietu, ne tuvuala bivualu bietu; amu tubikidibuayi mu dîna dieba bua kumbusha bundu buetu.

2 Mu dituku adi ditamba dia Mukalenga nedikala dilengela ne dia butumbi; tshimuma tshia mu buloba tshimpa kupita ne tshilenga kudi badi bikala bapanduki ba Isalele.

3 Ne nebilua ne, badi bashala mu Siona ne basomba mu Yelushalema nebabikidibua bansantu, yonsu udi mufundibua munkatshi mua ba moyo mu Yelushalema—

4 Pikala Mukalenga musukula bukoya bua bana ba bakaji ba Siona, ne mukupula mashi a Yelushalema munkatshi muenda ku nyuma wa tshilumbuluilu ne ku nyuma wa diôsha.

5 Mukalenga neateka pa muaba wa kuikadila onsu wa mukuna wa Siona, ne pa bisangilu bienda, ditutu ne muishi mu munya ne dikenka dia ndimi ya kapia butuku; bualu pa butumbi bonsu bua Siona nepikala bukubi.

6 Ne nekuikala tshitanda bua dileji ku luya mundamunya, ne bua muaba wa tshinyemenu ne wa tshisokomenu ku mvula wa tshipepela ne ku mvula.