1 Mukiya wa Babulona, wakamona Yeshaya muana wa baluma wa Amoza.

2 Bandulayi dibendela pa mukuna mula, bandishayi dîyi kudibu, kupayi tshianza, bua babuela mu bibuelelu bia banena.

3 Ndi mupa bajidila banyi mukenji, ndi kabidi mubikila bena bukitu banyi, bualu tshiji tshianyi katshiena pa mutu pa badi basanka bua bunena buanyi to.

4 Mutoyi wa musumba mu mukuna bu wa bantu ba bungi, mutoyi wa diyoyi wa makalenga a bisamba misangisha pamua, Mukalenga wa Misumba udi usangisha misumba ya mvita.

5 Badi bafumina ku ditunga dia kula, ku ndekelu kua diûlu, eyowa, Mukalenga ne biluilu bia difîka munda dienda, bua kubutula bulaba bujima.

6 Elayi mikunda, bualu dituku dia Mukalenga didi pabuipi; nedilua bu dibutula dia kudi Wa Bukitu Bonsu.

7 Bua nanku bianza bionsu nebitshioka, mutshima wa muntu yonsu newenguluka;

8 Ne nebumvua bôwa; makenga makola ne tunyinganyinga nebibakuata; nebakema umua bua mukuabu; mpala yabu neikala bu ndimi ya kapia.

9 Monayi, dituku dia Mukalenga dilualua, dia tshikisu bubidi ne tshiji ne tshiji tshikola, bua kuvuija bulaba butupu; ne neabutula benji ba mibi yabu.

10 Bualu mitoto ya mûlu ne bisumbu ayi kabiakufila bukenka buayi to; diba nedikala difîkuluka mu dibanda diadi, ne ngondu kakukenkesha bukenka buenda to.

11 Ne nenyoka ba pa buloba bua bibi, ne bena bubi bua malu mabi abu; nenjikijija didileja dia muditambishi, ne nteka panshi didisua dia batshinyishi.

12 Nemvuija muntu mushinga kupita ngolo mushema; mena muntu kupita ngolo wa Ofî.

13 Bua nanku nebukula diûlu, ne buloba nebumbuka pa muaba wabu, mu tshiji tshia Mukalenga wa Misumba, ne mu dituku dia tshiji tshienda tshikola.

14 Ne nebikala bu kasha kadi kipatshibua, ne bu mikoku idi muntu kayi ulama to to; ne nebapingana yonsu kudi bana benda nkayenda, ne banyema yonsu ku bulaba buenda.

15 Yonsu udi muditambishi neatubudibua; eyowa, ne yonsu udi usangila ne bena bubi neapona ku muela wa mvita.

16 Bana babu nebabojibua kabidi bipesa ku mpala kua mesu kuabu; nzubu yabu neipawudibua ne bakaji babu nebanyangibua.

17 Monayi, nensonsola Bena Madai bua kubaluisha, bâbenga kutangila mpalata ne ngolo, anyi kusankila mu biobi.

18 Mata abu neasunsula bansongaluma bipesa; ne kabakuikala ne lusa kudi mamuma a mu difu to; mesu abu ka’akuepelesha bana to.

19 Ne Babulona, butumbi bua makalenga, buimpa kumona bua bunena bua Bena Kasada, nebuikala bu pakabutula Nzambi Sodoma ne Amola.

20 Kakuakuikalamu muntu nansha, nansha kabakuikadilamu tô ne kashidi: nansha muena Alaba kakuasaku ntenta; nansha balami ba mikoko kabakuenzamu tshikumbi tshiabu.

21 Kadi nyama ya dîtu ya mu tshipela tshia lusenga neilalamu; ne nzubu yabu neikala miwula ne nyama ya muadi wa lusa; ne bipungulu nebikadilamu, ne mbuji ya mpumbu neijamu.

22 Nyama ya dîtu ya mu bidila neidila mu nzubu yabu mitupu, ne mpupuji neidila mu nzubu ya bumfumu yabu ya musangelu; ne diba dienda didi pabuipi ne kulua, ne dituku dienda kadiakulepeshibua to. Bualu nemmubutula lubilu; eyowa, bualu nengikala ne lusa kudi bantu banyi, kadi bena bubi nebafua.