မောဇိယ

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

မောဇိယ

အခန်းကြီး ၁
ဗင်္ယာမိန်မင်းကြီးသည် သူ၏သားတို့အား မိမိတို့ဘိုးဘေးတို့၏ဘာသာစကားနှင့် ပရောဖက်ပြုဟောချက်များကို သွန်သင်၏—အမျိုးမျိုးသောပုရပိုက်ပြားများပေါ်၌ ရေးထားသော မှတ်တမ်းများကြောင့် သူတို့၏ဘာသာတရားနှင့် ယဉ်ကျေးမှုတို့ကို ထိန်းသိမ်းစောင့်ရှောက် ထားလေ၏—မောဇိယသည် ရှင်ဘုရင်တစ်ပါးအဖြစ် ရွေးကောက်ခံရလျက်၊ မှတ်တမ်းများနှင့် အခြားအရာများကို ထိန်းသိမ်းစောင့်ရှောက်သူအဖြစ် ခန့်အပ်ခံရ၏။ ဘီစီ ၁၃၀–၁၂၄ ခန့်။
အခန်းကြီး ၂
ဗင်္ယာမိန်မင်းကြီးသည် မိမိလူမျိုးတို့အား ဟောပြော၏—သူသည် မိမိနန်းစံခြင်း၏ဖြောင့်မှန်ခြင်း၊ တရားမျှတခြင်းနှင့် ဝိညာဉ်ပကတိသဘောကို ပြန်လည်ပြောပြ၏—မိမိတို့ကောင်းကင်ဘုံရှင် ရှင်ဘုရင်အား အစေခံရန် အကြံပေး၏—ဘုရားသခင်အား ဆန့်ကျင်ပုန်ကန်သောသူတို့သည် မငြိမ်းနိုင်သောမီးလျှံနှင့်တူသည့် ပြင်းစွာသောစိတ်ဆင်းရဲခြင်း ဒုက္ခဝေဒနာကို ခံစားရလိမ့်မည်။ ဘီစီ ၁၂၄ ခန့်။
အခန်းကြီး ၃
ဗင်္ယာမိန်မင်းကြီးသည် မိန့်ခွန်းကို ဆက်၍ဟော၏—ကိုယ်တော်ရှင်အနန္တတန်ခိုးရှင်သည် မြေဖြင့်ပြုသောတဲကိုယ်ခန္ဓာဖြင့် လူသားတို့၌ အမှုတော်ဆောင်လိမ့်မည်—လောကီသားတို့၏အပြစ်များအတွက် အပြစ်ဖြေတော်မူစဉ်တွင်၊ ချွေးပေါက်မှန်သမျှတို့မှ အသွေးတော်ထွက်လိမ့်မည်—သူ၏နာမတော်သည်၊ ကယ်တင်ခြင်းရောက်လာရာ တစ်ခုတည်းသော နာမတော်ဖြစ်၏—လူသားတို့သည် ဇာတိပကတိလူကို ချွတ်ပယ်၍၊ အပြစ်ဖြေခြင်းမင်္ဂလာအားဖြင့် သန့်ရှင်းသူများ ဖြစ်လာနိုင်ကြ၏—ဆိုးညစ်သူတို့၏စိတ်ဆင်းရဲကိုယ်ဆင်းရဲဖြစ်ခြင်းသည် ကန့်နှင့်ရောသော မီးအိုင်ကဲ့သို့ ဖြစ်လိမ့်မည်။ ဘီစီ ၁၂၄ ခန့်။
အခန်းကြီး ၄
ဗင်္ယာမိန်မင်းကြီးသည် မိန့်ခွန်းကို ဆက်၍ဟော၏—အပြစ်ဖြေခြင်းမင်္ဂလာကြောင့် ကယ်တင်ခြင်း ရောက်လာ၏—ကယ်တင်ခြင်းသို့ ရောက်ရခြင်းငှာ၊ ဘုရားသခင်ကို ယုံကြည်ကြလော့—သစ္စာရှိခြင်းအားဖြင့်၊ သင်တို့၏အပြစ်များမှလွှတ်ခြင်းကို ထိန်းသိမ်းထားကြလော့—သင်တို့၏ဥစ္စာများကို ဆင်းရဲသားများသို့ မျှ၍ပေးကြလော့—ခပ်သိမ်းသောအရာတို့ကို ဉာဏ်ပညာနှင့် အစီအစဉ်တကျ ပြုကြလော့။ ဘီစီ ၁၂၄ ခန့်။
အခန်းကြီး ၅
သန့်ရှင်းသူတို့သည် ယုံကြည်ခြင်းအားဖြင့်၊ ခရစ်တော်၏သားသမီးများဖြစ်လာကြ၏—ထို့နောက်၊ သူတို့ကို ခရစ်တော်၏နာမတော်အားဖြင့် ခေါ်ကြ၏—ဗင်္ယာမိန်မင်းကြီးက သူတို့ကို ကောင်းမြတ်သောအမှုများ၌ မြဲမြံပြီး မတိမ်းယိမ်းဘဲရှိကြစေရန် တိုက်တွန်း၏။ ဘီစီ ၁၂၄ ခန့်။
အခန်းကြီး ၆
ဗင်္ယာမိန်မင်းကြီးသည် လူမျိုးတို့၏အမည်များကို မှတ်တမ်းပြု၍၊ သူတို့ကို သွန်သင်ပေးစေခြင်းငှာ ယဇ်ပုရောဟိတ်များကို ခန့်အပ်ထား၏—မောဇိယသည် ဖြောင့်မတ်သော ရှင်ဘုရင်အဖြစ်အုပ်စိုး၏။ ဘီစီ ၁၂၄–၁၂၁ ခန့်။
အခန်းကြီး ၇
အမ္မုန်သည် လင်မဟိမင်းပြုရာ လေဟိ-နီဖိုင်းပြည်ကို တွေ့ရှိ၏—လင်မဟိ၏လူမျိုးတို့သည် လာမန်အမျိုးသားတို့၏ကျွန်ပြုရာ၌ ရှိကြ၏—လင်မဟိသည် သူတို့၏သမိုင်းကြောင်းကို ပြန်လည်ပြောပြ၏—ခရစ်တော်သည် ဘုရားသခင်နှင့် အရာခပ်သိမ်းတို့၏ အဘ ဖြစ်တော်မူကြောင်းကို ပရောဖက်တစ်ပါး၊ (အဘိနဒိ) က သက်သေခံ၏—အညစ်အကြေးကို စိုက်သောသူများသည် လေပွေကိုရိတ်သိမ်းကြ၏၊ ကိုယ်တော်ရှင်ကို ကိုးစားသောသူတို့သည် ကယ်လွှတ်တော်မူခြင်းကို ခံရလိမ့်မည်။ ဘီစီ ၁၂၁ ခန့်။
အခန်းကြီး ၈
အမ္မုန်သည် လင်မဟိ၏လူမျိုးတို့ကို သွန်သင်၏—သူသည် ယာရက်အမျိုး၏ပုရပိုက်ပြား နှစ်ဆယ် လေးပြားအကြောင်းကို သိရ၏—ရှေးမှတ်တမ်းများကို မြင်သောသူတို့အားဖြင့် ဘာသာပြန်နိုင်၏—မြင်သောသူဖြစ်ရခြင်းထက် ကြီးမြတ်သောဆုကျေးဇူးမရှိ။ ဘီစီ ၁၂၁ ခန့်။
အခန်းကြီး ၉
ဇေနိဖ်သည် လေဟိ-နီဖိုင်းပြည်ကို ပိုင်ဆိုင်ခြင်းငှာ၊ ဇရဟင်မလပြည်မှလူတစ်စုကို ဦးဆောင်၏—လာမန်အမျိုးသားတို့၏ရှင်ဘုရင်သည် သူတို့အား ထိုပြည်ကို အမွေခံကြရန် အခွင့်ပေး၏—လာမန်အမျိုးသားတို့နှင့် ဇေနိဖ်၏လူမျိုးတို့ကြား၌ စစ်တိုက်ခြင်းဖြစ်ပွား၏။ ဘီစီ ၂၀၀–၁၈၇ ခန့်။
အခန်းကြီး ၁၀
လာမန်မင်းကြီး သေ၏—သူ၏လူမျိုးတို့သည် ရိုင်းစိုင်းပြီး၊ ရက်စက်၍၊ မှားယွင်းသည့်နည်းဥပဒေသများကို ယုံကြည်ကြ၏—ဇေနိဖ်နှင့် သူ၏လူမျိုးတို့က သူတို့ကို နိုင်ကြ၏။ ဘီစီ ၁၈၇–၁၆၀ ခန့်။
အခန်းကြီး ၁၁
နောဧမင်းကြီးသည် ဆိုးညစ်ခြင်းဖြင့် အုပ်စိုး၏—သူသည် သူ၏ဇနီးများ၊ မယားငယ်များနှင့် နေ၍ ကာမဂုဏ်လွန်ကျူးခြင်း၌ ပျော်မွေ့၏—လူမျိုးတို့သည် ဖမ်းဆီး၍ကျွန်ပြုခြင်းသို့ ဆောင်ယူခံရကြလိမ့်မည်ဟု အဘိနဒိပရောဖက်ပြု၍ဟော၏—နောဧမင်းကြီးက သူ၏အသက်ကို သတ်ရန် ကြိုးစားအားထုတ်၏။ ဘီစီ ၁၆၀–၁၅၀ ခန့်။
အခန်းကြီး ၁၂
အဘိနဒိသည် လူတို့၏ပျက်စီးခြင်းနှင့် နောဧမင်းကြီး၏သေခြင်းကို ပရောဖက်ပြု၍ဟောခြင်းကြောင့် ထောင်ထဲ၌ လှောင်ထားခံရ၏—ယဇ်ပုရောဟိတ်အတုအယောင်တို့သည် ကျမ်းစာများကို ကိုးကား၍၊ မောရှေ၏ပညတ်တရားကို စောင့်ထိန်းယောင်ဆောင်ကြ၏—အဘိနဒိသည် သူတို့အား ပညတ်တော်ဆယ်ပါးကို သွန်သင်ပေးစပြု၏။ ဘီစီ ၁၄၈ ခန့်။
အခန်းကြီး ၁၃
အဘိနဒိသည် မြင့်မြတ်သောတန်ခိုးတော်အားဖြင့် ကာကွယ်ခံရ၏—သူသည် ပညတ်တော်ဆယ်ပါးကို သွန်သင်ပေး၏—ကယ်တင်ခြင်းသည် မောရှေ၏ပညတ်တရား တစ်ခုတည်းအားဖြင့် ရောက်ရှိလာသည် မဟုတ်—ဘုရားသခင်ကိုယ်တော်တိုင်သည် အပြစ်ဖြေခြင်းမင်္ဂလာကို ပြုတော်မူပြီး၊ မိမိလူမျိုးတို့ကို ရွေးနှုတ်တော်မူလိမ့်မည်။ ဘီစီ ၁၄၈ ခန့်။
အခန်းကြီး ၁၄
ဟေရှာယသည် မေရှိယအကြောင်းကို ပြော၏—မေရှိယ၏နှိမ့်ချခြင်းနှင့် ဒုက္ခဝေဒနာခံစားရခြင်းများကို ဖော်ပြထား၏—သူသည် အပြစ်အတွက် မိမိအသက်ကို ပူဇော်သက္ကာအဖြစ်ပြု၍၊ လွန်ကျူးသောသူများအတွက် တောင်းပန်ခြင်းကို ပြု၏—ဟေရှာယအခန်းကြီး ၅၃ နှင့် နှိုင်းယှဉ်ပါ။ ဘီစီ ၁၄၈ ခန့်။
အခန်းကြီး ၁၅
ခရစ်တော်သည်ကား၊ ခမည်းတော်နှင့် သားတော် နှစ်ဦးစလုံးဖြစ်ကြောင်းကို ရှင်းပြ၏—သူသည် မိမိလူတို့၏ လွန်ကျူးခြင်းများကို တောင်းပန်ပြီး ခံယူ၏—သူတို့နှင့် သန့်ရှင်းသည့် ပရောဖက်ခပ်သိမ်းတို့သည် သူ၏အမျိုးအနွယ်များဖြစ်ကြ၏—သူသည် ရှင်ပြန်ထမြောက်ခြင်းကို ဖြစ်ပေါ်စေ၏—ကလေးသူငယ်တို့သည် ထာဝရအသက်ကို ရရှိကြ၏။ ဘီစီ ၁၄၈ ခန့်။
အခန်းကြီး ၁၆
ဘုရားသခင်သည် လူသားတို့ကို သူတို့၏ပျောက်ဆုံး၍ ကျရှုံးရာ အခြေအနေမှ ရွေးနှုတ်တော်မူ၏—ကာမဂုဏ်သဘောရှိသောသူတို့သည် ရွေးနှုတ်ခြင်း မရှိလေသကဲ့သို ဆက်၍ တည်ရှိကြ၏—ခရစ်တော်သည် အဆုံးမရှိသည့်အသက် သို့မဟုတ် အဆုံးမရှိသည့် အပြစ်ဒဏ်ရောက်ခြင်းသို့တိုင်အောင် ရှင်ပြန်ထမြောက်ခြင်းကို ဖြစ်ပေါ်စေ၏။ ဘီစီ ၁၄၈ ခန့်။
အခန်းကြီး ၁၇
အယ်လမာသည် အဘိနဒိ၏စကားများကို ယုံကြည်၍ ရေး၏—အဘိနဒိသည် မီးဘေးဖြင့် သေခြင်းကို ခံစားရ၏—သူ့ကိုသတ်သောသူများအပေါ်ရောက်မည့်ရောဂါနှင့် မီးဘေးဖြင့် သေခြင်းကို သူပရောဖက်ပြု၍ဟော၏။ ဘီစီ ၁၄၈ ခန့်။
အခန်းကြီး ၁၈
အယ်လမာသည် တိတ်ဆိတ်စွာဟောပြော၏—သူသည် ဗတ္တိဇံပဋိညာဉ်အကြောင်းကို ရှင်းပြ၍၊ မော်မုန်ရေများ၌ ဗတ္တိဇံပေး၏—သူသည် ခရစ်တော်၏အသင်းတော်ကို ဖွဲ့စည်း၍ ယဇ်ပုရောဟိတ်များကို ခန့်ထား၏—သူတို့သည် မိမိတို့ဘာသာမိမိ ထောက်မ၍၊ လူတို့ကို သွန်သင်ပေး၏—အယ်လမာနှင့် သူ၏လူတို့သည် နောဧမင်းကြီးထံမှ တောရိုင်းထဲသို့ ထွက်ပြေးကြ၏။ ဘီစီ ၁၄၇–၁၄၅ ခန့်။
အခန်းကြီး ၁၉
ဂိဒေါင်သည် နောဧမင်းကြီးကို ကွပ်မျက်ရန် ကြိုးစား၏—လာမန်အမျိုးသားတို့သည် ထိုပြည်ကို ဝင်ရောက်တိုက်ခိုက်ကြ၏—နောဧမင်းကြီးသည် မီးဘေးဖြင့် သေခြင်းကို ခံစားရ၏—လင်မဟိသည် အခွန်ပေးရသောမင်းအဖြစ် နန်းစံ၏။ ဘီစီ ၁၄၅–၁၂၁ ခန့်။
အခန်းကြီး ၂၀
လာမန်အမျိုးသားတို့၏သမီးအချို့သည် နောဧ၏ယဇ်ပုရောဟိတ်များ၏အဓမ္မခေါ်ဆောင်သွားခြင်းကို ခံရကြ၏—လာမန်အမျိုးသားတို့သည် လင်မဟိနှင့် သူ၏လူတို့ကို စစ်တိုက်ကြ၏—လာမန်အမျိုးသားဗိုလ်ခြေတို့သည် ခုခံတိုက်ခိုက်ခံရကြ၏၊ စိတ်ပြေသွားကြ၏။ ဘီစီ ၁၄၅–၁၂၃ ခန့်။
အခန်းကြီး ၂၁
လင်မဟိ၏လူတို့သည် လာမန်အမျိုးသားတို့အားဖြင့် တိုက်ခိုက်နှိမ်နှင်းပြီး အနိုင်ခံရကြ၏—လင်မဟိ၏လူတို့သည် အမ္မုန်နှင့်တွေ့၍ ပြောင်းလဲကြ၏—သူတို့သည် အမ္မုန်အား ယာရက်အမျိုး၏ပုရပိုက်ပြားနှစ်ဆယ်လေးပြားအကြောင်းကို ပြောပြ၏။ ဘီစီ ၁၂၂–၁၂၁ ခန့်။
အခန်းကြီး ၂၂
လူတို့ လာမန်အမျိုးသားတို့ထံကျွန်ခံရာမှ လွတ်မြောက်ရန် အကြံအစည်များ ကိုပြုလုပ်ထား၏—လာမန်အမျိုးသားတို့ကို ယစ်မူးစေ၏—လူတို့သည် လွတ်မြောက်၍၊ ဇရဟင်မလပြည်သို့ ပြန်လာကြပြီး၊ မောဇိယမင်းကြီး၏ ဩဇာခံဖြစ်လာကြ၏။ ဘီစီ ၁၂၁–၁၂၀ ခန့်။
အခန်းကြီး ၂၃
အယ်လမာသည် ရှင်ဘုရင်ဖြစ်ရန် ငြင်းပယ်၏—သူသည် ယဇ်ပုရောဟိတ်မင်းအဖြစ် အစေခံ၏—ကိုယ်တော်ရှင်သည် သူ၏လူတို့ကို ဆုံးမတော်မူပြီး၊ လာမန်အမျိုးသားတို့သည် ဟေလမ်ပြည်ကို အနိုင်ရ၏—နောဧမင်းကြီး၏ ဆိုးညစ်သောယဇ်ပုရောဟိတ်တို့၏ အကြီးအကဲဖြစ်သောအာမြူလုန်သည် လာမန်အမျိုးသားရှင်ဘုရင်၏ဩဇာခံအဖြစ် အုပ်ချုပ်၏။ ဘီစီ ၁၄၅–၁၂၁ ခန့်။
အခန်းကြီး ၂၄
အာမြူလုန်သည် အယ်လမာနှင့် သူ၏လူတို့ကို ညှဉ်းဆဲ၏—သူတို့သည် ဆုတောင်းလျှင်၊ အသေသတ်ခံရမည်—ကိုယ်တော်ရှင်သည် သူတို့၏ဝန်များကို ပေါ့သည်ဟု ထင်စေ၏—သူတို့ကို ကျွန်ခံရာမှ ကယ်လွှတ်တော်မူ၏၊ သူတို့သည်လည်း ဇရဟင်မလပြည်သို့ ပြန်လာကြ၏။ ဘီစီ ၁၄၅–၁၂၀ ခန့်။
အခန်းကြီး ၂၅
မြူးလက်၏ အမျိုးအနွယ်တို့သည် ဇရဟင်မလပြည်၌ နီဖိုင်းအမျိုးသားများ ဖြစ်လာကြ၏—သူတို့သည် အယ်လမာနှင့် ဇေနိဖ်တို့၏ လူတို့အကြောင်းကို သိကြ၏—အယ်လမာသည် လင်မဟိနှင့် သူ၏လူများအားလုံးကို ဗတ္တိဇံပေး၏—မောဇိယသည် အယ်လမာအား ဘုရားသခင်၏ အသင်းတော်ကို ဖွဲ့စည်းစေခြင်းငှာ အခွင့်အာဏာပေး၏။ ဘီစီ ၁၂၀ ခန့်။
အခန်းကြီး ၂၆
အသင်းတော်၏များစွာသောအသင်းသားတို့သည် မယုံကြည်သူတို့အားဖြင့် အပြစ်သို့ ပို့ဆောင်ခံရ၏—အယ်လမာအား ထာဝရအသက်ကို ကတိထား၏—နောင်တရ၍ ဗတ္တိဇံခံသောသူတို့သည် ခွင့်လွှတ်ခြင်းကို ရရှိကြ၏—အယ်လမာနှင့် ကိုယ်တော်ရှင်ထံသို့ နောင်တရ၍ ဝန်ခံသော သူများတည်းဟူသော အပြစ်၌ရှိသူအသင်းတော်အသင်းသားတို့သည် ခွင့်လွှတ်ခံရလိမ့်မည်။ သို့မဟုတ်လျှင်၊ သူတို့သည် အသင်းတော်၏လူတို့၌ ရေတွက်မခံရ။ ဘီစီ ၁၂၀–၁၀၀ ခန့်။
အခန်းကြီး ၂၇
မောဇိယသည် ညှဉ်းဆဲခြင်းကို တားမြစ်၍၊ ညီမျှစေရန် မိန့်မှာ၏—အယ်လမာအငယ်နှင့် မောဇိယ၏သားလေးဦးတို့သည် အသင်းတော်ကို ဖျက်ဆီးခြင်းငှာ ကြိုးစားကြ၏—ကောင်းကင်တမန်တစ်ပါး ရောက်လာပြီး၊ သူတို့၏ဆိုးသောအကျင့်များကို ရပ်တန့်ရန် မိန့်မှာ၏—အယ်လမာသည် ထိခိုက်ခံရပြီး ဆွံ့အသွား၏—လူသားခပ်သိမ်းသည် ကယ်တင်ခြင်းကို ရရှိရန် တစ်ဖန်မွေးခြင်းခံရမည်—အယ်လမာနှင့် မောဇိယ၏သားတို့သည် ဝမ်းသာစရာသတင်းကို ဟောကြား၏။ ဘီစီ ၁၀၀–၉၂ ခန့်။
အခန်းကြီး ၂၈
မောဇိယ၏သားတို့သည် လာမန်အမျိုးသားတို့အား ဟောပြောခြင်းငှာ သွားကြ၏—မြင်သောအရာကျောက်ခဲနှစ်လုံးကို အသုံးပြုလျက်၊ မောဇိယသည် ယာရက်အမျိုး၏ပုရပိုက်ပြားများကို ဘာသာပြန်၏။ ဘီစီ ၉၂ ခန့်။
အခန်းကြီး ၂၉
ရှင်ဘုရင်နေရာ၌ တရားသူကြီးများ ရွေးကောက်ခံရစေရန် မောဇိယက အဆိုပြု၏—မဖြောင့်မတ်သောမင်းတို့သည် မိမိတို့လူများကို အပြစ်သို့ ပို့ဆောင်ကြ၏—အယ်လမာအငယ်သည် လူတို့၏မဲဆန္ဒဖြင့် တရားသူကြီးချုပ်အဖြစ် ရွေးကောက်ခံရ၏—သူသည် အသင်းတော်၌ ယဇ်ပုရောဟိတ်မင်းလည်းဖြစ်၏—အယ်လမာအကြီးနှင့် မောဇိယသေ၏။ ဘီစီ ၉၂–၉၁ ခန့်။