“Mampianatra ny mpanjaka i Aharôna,” Namana, jolay 2024, 26–27.
Tantara ao amin’ny soratra masina
Mampianatra ny mpanjaka i Aharôna
Sary nataon’i Andrew Bosley
Iray tamin’ireo zanakalahin’i Môzià i Aharôna. Misiônera izy. Nampianatra ny mpanjakan’ireo Lamanita teo amin’ny tany manontolo izy.
Nanontanian’i Aharôna ny mpanjaka raha nino an’ Andriamanitra izy. Nilaza ny mpanjaka fa hino izy raha lazain’i Aharôna azy fa tena misy Andriamanitra. Nangataka an’i Aharôna izy mba hilaza taminy misimisy kokoa momba an’ Andriamitra.
Namaky soratra masina tamin’ny mpanjaka i Aharôna. Nampianatra momba ny fahariana ny tany izy. Nampianatra momba ny drafitr’ Andriamanitra izy. Notantarainy tamin’ny mpanjaka ny mombamomba an’i Jesoa Kristy.
Nivavaka ny mpanjaka taorian’izany. Nangataka tamin’ Andriamanitra izy raha toa ka marina ny zavatra notenenin’i Aharôna. Nandray valiny ny mpanjaka fa marina izany.
Nino ny zavatra nampianarin’i Aharôna ny mpanjaka. Nino torak’izany koa ny ankohonany rehetra. Natao batisa izy ireo ary nisafidy ny hanaraka an’i Jesoa Kristy.