No Laga Nos Tuma e Kaminda Inkorektu

Pa Elder Claudio D. Zivic

Di e Setenta

Mi ta roga ku nos no pèrde bista di e kaminda, pa [asina] nos semper por ta konektá ku e shelunan.

Un mucha hòmber tabata praktiká e pianu, i un bendedor, ora ku el a mir’e den a bentana a puntra, “Bo mama ta na kas?”

Riba kual e mucha a respondi, “i … kiko bo ta kere?”

Nos cinku yu stimá sa toka e pianu, danki na e motivashon di mi kasa! Ora e maestro tabata yega na nos kas, nos yu Adrian tabata kori i skondi su mes pa e por skip su lès. Pero un dia, un kos maravioso a sosodé! El a kuminsá stima músika tantu ku el a sigi praktika di su mes.

Si nos por alkansa e punto ei den e processo di nos konvershon, lo ta maravioso. Lo ta hopi maravioso pa nos tin e deseo profundo den nos kurason di warda e mandamentunan sin niun hende tin ku korda nos konstantamente i pa tin un konvikshon firme ku si nos ta sigi e kaminda korektu, nos lo tin e bendishonan primintí den e skrituranan.

Un par di ana pasa mi a bai na Arches National Park ku mi kasa, nos yu muhé, Evelin, i un amigo di famia. Un di e arko mas famoso einan ta yama Arko Fini. Nos a desidi kana masomenos un mia i mei (2 km), subiendo e seru pa nos por a alkansa e arko.

Nos a kuminsá riba e kaminda ku hopi animo, pero despues di kana un tiki, nan tabatin mester di deskansá. Dor ku mi tabatin e deseo di yega, mi a desidi kontinuá mi so. Sin pone atenshon na e kaminda ku mi mester a tuma, mi a sigi un hòmber dilanti di mi, kende a parse bai dilanti ku hopi konfiansa. E kaminda a bira mas i mas difísil, i mi tabatin ku bula di un baranka pa e otro. Dor ku e tabata difisil, mi tabata sigur ku e muhénan den mi grupo hamas lo por hasi’ele. Direpiente mi a wak Arko Fini, pero na mi sopresa, mi a wak ku e tabata na un area inasesibel pa mi.

Ku hopi frustrashon, mi a desidí di bai bek. Mi a warda sin pasenshi te ora nos por a reuni atrobe. Mi pregunta inmediato tabata “Bosnan a yega na Arko Fini?” Kontentu nan a bisami ku [si] nan a yega. Nan a splika ku nan a sigi e senalnan riba e kaminda, i ku kuidado i forsa, nan a yega na nan destinashon.

Lamentablemente, mi a tuma e kaminda inkorektu. Ki lès grandi mi a siña e dia ei.

Kuantu biaha nos ta hasi un eror di [tuma] e kaminda korektu, lagando e tendensianan di mundu hiba nos? Nos mester puntra nos mes kontinuamente si nos ta hasidonan di e palabra di Jesu Cristu.

Un enseñansa maravioso [nos por] haña den e buki di Huan:

“Keda den Mi i Ami lo keda den boso. Un taki no por duna fruta di su mes, sin ku e ta pegá na e mata. Meskos asin’ei boso no por karga fruta si boso no keda den Mi.

“Ami ta e mata di wendrùif; boso ta e takinan. Esun ku keda den Mi i Ami den dje, lo karga hopi fruta, pasobra boso no por hasi nada sin Mi” (Huan 15:4–5).

Usando e analogia aki, nos por wak e relashon hopi será i transendente nos tin ku Jesu Cristu i e importansia ku E ta pone riba kada un di nos. E ta e rais i e tronkon ku ta dirigí e awa bibiente na nos, e savia ku ta laga nos alimentá nos mes pa nos por produsí hopi fruta. Jesu Cristu a siña nos den un manera ku komo ramanan—of hendenan dependiente di Dje—nos hamas lo duna ménos balorna Su ensenansanan.

Tin algun errornan ku por ta serio, i si nos no ta korigí nan na tempu, nan por hiba nos permanentemente leu di e kaminda korektu. Si nos ta arepenti i askeptá korekshon, e experiensianan lo laga nos humilia nos mes, kambia nos akshonnan, i atrobe aserká mas na nos Tata Celestial.

Mi ke duna un ehèmpel di e konsepto aki pa medio di pone referensia na un di e momentunan mas dramátiko ku e Profeta Jose Smith a experimentá. Pa medio di e experiensia aki, E Salbado a duna nos enseñansanan inkalkulabel ku nos mester kòrda duranti nos bidanan. El a sosodé ora Martin Harris a pèrde e shen djeseis blachi di e promé parti di e Buki di Mormon.

Despues di arepenti pa no sigi e konseho di Dios, e Profeta a risibi un revelashon ku ta por wòrdu haña den e sekshon 3 di e Doctrine and Covenants (mira Teachings of Presidents of the Church: Joseph Smith [2007], 69–71). For di loke ta skirbi den versikulo 1 te ku 10, mi ta deseá di pone atenshon riba tres principio ku nos mester kòrda semper.

1. E obra i propósitonan di Dios no por wòrdu frustrá.

2. Nos no mester tin miedu ku hòmber mas ku di Dios.

3. Tin nesesidat di arepentimientu konstantemente.

Den vèrsíkulo 13, Señor ta siña nos kuater akshon ku hamas nos mester hasi.

1. Tuma pa nada e konsehonan di Dios.

2. Kibra e promésanan mas sagrado hasí dilanti di Dios.

3. Konfiá riba bo propio huisio.

4. Gaba den bo propio sabiduria.

Mi ta roga ku nos no pèrde bista di e kaminda, pa [asina] nos semper por ta konektá ku e shelunan, pa [asina] e korrientenan di mundu no hiba nos bai.

Si algun di bosnan ta alkansá e punto di abandoná e kaminda di Señor—na kual kier momentu riba e kaminda—ku hopi remordimentu bosnan lo sinti e amargura di no pone atenshon riba e konsehonan di Dios, di a kibra e promesanan mas sagrado hasi dilanti di Dios, di konfia den boso propio juisio, of di gaba den bosnan propio sabiduria.

Si esaki ta e kaso, mi ta exhortá bosnan pa arepentí i bini bèk awor mes.

Un dia un nieto a yama su padushi pa bise’ele felis kumpleaños. El a puntr’e kuantu aña e tabata tin. El a bisa ku el a kumpli setenta aña. Su nieto a pensa pa un momentu i despues a puntra, “Opa, bo a kuminsa ful dilanti na 1?”

Durante infancia i huventud, hende ta pensa ku hamas nan lo bira bieu; e idea di morto nunka ta kria rais-asina e ta pa hendenan hopi—hopi bieu—i alkansando e puntu ei aun ta masha leu [mes]. Mientras e tempu ta bai, lunanan i temporadanan ta pasa, te ora e arruganan ta aparece, energia ta baha, e necesidat di bishitanan di doctor ta pasa mas frekuente, i otro kosnan asina.

E dia lo bini ku nos lo [bai] reuni ku nos Redentor i Salbador, JesuCristu. Mi ta roga ku na e okashon sagrado i sublime ei nos por rekonoci’ele pa medio di e konocimientu ku nos tin di Dje, i dur ku nos a sigi Su ensenansanan. El lo mustra nos e markanan den su mannan i pianan, i nos lo uni hunti den un brasamentu durabel, yorando ku goso ku nos a sigi Su kaminda.

Mi ta testifiká na e kuater parti di e mundu ku Jesu Cristu ta biba. E ta exhorta nos, “Skucha, tur nashonnan di e mundu, i tende e palabranan di e Dios kende a kreabosnan.” (D&C 43:23). Laga nos tin e kapacitad di gara, duna atenshon, komprendi, i interpreta korectamente e mensahe di “e Dios kende a krea nos” pa nos no ta perde su kaminda, mi ta roga den e nómber di JesuCristu, amen.