Rais i Ramanan

Pa Elder Quentin L. Cook

Di e Quorum di e Diesdos Apòstelnan

Imagen

Aselerando historia familiar i obra di tèmpel den nos dia ta esensial pa e salvashon i exaltashon di famianan.

Djis promé ku su morto di kanser na 1981, e kontroversial eskritor William Saroyan a bisa prensa, “Tur hende mester muri, pero semper mi a kere ku un eksepshon mester wòrdu hasí den mi kaso. Kiko awor?”¹

E “kiko awor” ora ta konfrontá morto den bida i e “kiko awor” den kontemplashon di bida despues di morto ta na e sentro di e preguntanan di e alma ku e evangelio restaurá di JesuCristo ta kontestá asina bunita di e plan di felisidat di e Tata.

Den e bida aki nos ta hari, nos ta jora, nos ta traha, nos ta hunga, nos ta biba, i despues nos ta muri. Jòb a puntra e pregunta konkreto, “… hende por bolbe biba despues di morto?”² E kontesta ta un rotundo “si” dor di e sakrifisio expiatorio di e Salvador. Parti di e introdukshon diverso di Jòb na e pregunta ta interesante: “Hende ku muhé a pari, ta hiba un bida kòrtiku … e ta habri manera un flor, pa djis despues e marchitá; … Pa un palu ku nan kap tin speransa. E por bolbe biba, saka spreit … i tira brasa, manera un planchi yòn.”³

E plan di Nos Tata ta over di famia. Varios di nos skrituranan mas emoshonal ta usa e konsepto di e mata ku su rais i ramanan komo un komparashon.

Den e ultimo kapitulo di e Tèstamènt Biew, ora ku Malakías ta splikando e Di Dos Binida di e Salvador poderosamente e ta usa e komparashon aki. Papiando di e orgujoso i e inikuo, e la nota ku nan lo kima manera jerba i ku “rais i taki kaba na nada.”⁴ Malakías ta sera e kapitulo aki ku un promesa komfortante:

“Tende, mi ta bai manda profeta Elías pa boso promé ku dia di Señor yega, e dia grandi i teribel:

“Lo e trese pas entre tatanan i yunan, di manera ku Mi no tin nodi di bini bèk pa kaba kompletamente ku e [mundu].”⁵

Na e kuminsamentu di e Restaurashon, Moroni a enfatisá e mensahe aki den su instrukshon inisial na a hoben José Smih na 1823.⁶

Kristianan i Hudiwnan rònt mundu ta akseptá e relato di Elias den e Tèstamènt Biew.⁷ E tabata e ultimo profeta ku tabata poseé e poder sejado di e Saserdosio di Melkisedek antes ku e tempu di JesuCristo.⁸

Elias ta Restaurá e Jabinan

Elias a bini bèk na e Tèmpel di Kirtland riba tres di April , 1836. E la deklará ku e tabata kumpliendo ku a promesa di Malakías. E la duna e jabinan di saserdosio pa seja famianan den e dispensashon aki.⁹ E mishon di Elias ta wòrdu fasilitá pa loke ku tin biaha ta wòrdu jamá e spiritu di Elias, di kual, manera Elder Russell M. Nelson a siña, ta un manifestashon di e Spiritu Santu dunando testimonio di e naturalesa divino di e famia.”¹⁰

Señor tabata firme over di e nesesidat di bautismo. E la siña, “Niun hende no por drenta reino di Dios si e no nase di awa i spiritu.”¹¹ Señor a wòrdu bautizá personalmente pa duna un ehèmpel. Ki tal di esnan ku a fajesé sin ku a wòrdu bautizá?

Doktrina di Obra di den Tèmpel i di Historia Familiar

Na 11 di Oktober, 1840, na Nauvoo, Vilate Kimball a skibi un karta pa su kasá, Elder Heber C. Kimball, ku huntu ku otro miembronan di e Djes Dos Apòstelnan a sirbi un mishon na Gran Bretania. E Konferensia General na Oktober a tuma lugá un par di dia promé.

Mi ta sita for di parti di a karta personal di Vilate: “Nos tabata tin e konferensia di mas grandi i di mas interesante ku a tuma lugá for di tempu ku iglesia a wòrdu organizá. Presidente José Smith a papia over di un tema nobo i glorioso. Esaki ta e bautismo pa e mortonan. Pablo ta papia di dje den Promé Korintionan kapitulo 15 versikulo 29. José a risibí un explikashon mas kompleto di esaki pa medio di revelashon. E ta bisa ku ta e privilegio pa miembronan di e iglesia aki pa wòrdu bautizá pa tur nan antepasadonan ku a fajesé antes ku e evangelio a sali pa dilanti. Hasiendo esaki, nos ta aktua komo agente pa nan, i ta duna nan e privilegio di bini dilanti den e Promé Resurekshon. E la bisa ku nan lo haña e evangelio prediká na nan den prizòn.”

Vilate a añadí: “Mi ke wòrdu bautizá pa mi mama. … Unta un doktrina glorioso esaki ta?”¹²

E doktrina esensial di uni famianan a wòrdu revelá linea riba linea i preseptu riba preseptu. Varios ordenanzanan ta na e sentro di unishon di famianan eterno, konektando raisnan na ramanan.

E doktrina di e famia relashoná ku historia familiar i obra di tèmpel ta hopi klá. Señor anteriormente den instrukshonan revelatorio ta bisa “bautismo pa boso mortonan.”¹³ Nos obligashon doktrinal ta na nos propio ansestronan. Esaki ta pasombra e organizashon selestial di shelu ta basá riba famia.¹⁴ E Promé Presidensia a enkurashá miembronan, espesialmente hobenan i adulto solteronan pa emfatisá obra di historia familiar i ordenanzanan pa nan propio nòmber familiar di nan bario i estakanan.¹⁵ Nos mester ta konektá na tantu nos raisnan komo nos ramanan. E pensamento di ta asosiá den un reino eterno ta berdaderamente glorioso.

Tèmpelnan

Wilford Woodruff a indiká ku e Profeta José Smith a biba sufisientemente pa pone e fundeshi pa e obra di tèmpel: E ultimo biaha ku e la jega di reuní ku e Quorum di e Djesdos tabata ora ku e la dunanan nan investiduranan.¹⁶

Despues di e martirio di e e profetea, e Santunan a kompletá e Tèmpel di Nauvoo, i e poder sejadó a wòrdu usá pa bendishoná miles di miembronan fiel antes di e exodùs pa e serunan den west. Trinta aña despues, na e terminashon di konstrukshon di e Tèmpel di St. George, Presidente Brigham Young a nota e signifikado eterno di e ordenanzanan salvadó ku finalmente ta aksesibel na tantu e bibu komo e morto.¹⁷

Esaki ta simplemente deklará pa Presidente Wilford Woodruff: “Tin kasi niun otro prinsipio di Señor ku a wòrdu revelá ku ta duna mi mas regosiho ku e redenshon di nos mortonan; ku nos lo por tin nos tata, nos mama, nos kasá i nos junan ku nos den e organizashon familiar den e mainta di e promé resurkshon i den e Reino Selestial. Esakinan ta gran prinsipionan. Nan tin mas balor ku kualke sakrifisio.”¹⁸

Ki gran momentu pa ta bibu. Esaki ta e ultimo dispensashon, i nos por sinti e aselerashon di e obra di salvashon den kada área kaminda un ordenanza salvadó ta envolví.¹⁹ Awor nos tin tèmpelnan rònt di gran parti di mundo pa proveé e ordenanzanan salvadó aki. Asistiendo na e tèmpel pa renovashon spiritual, pas, seguridad, i direkshon den nos bida tambe ta un gran bendishon.²⁰

Menos ku un aña despues ku Presidente Thomas S. Monson a wòrdu jamá komo un Apòstel, e la dediká e Libreria Genealogikó di e Tèmpel di Los Angeles. E la papia di antepasadonan ku a fajesé ku ta wardando pa e dia unda abo i ami lo hasi e investigashon ku ta nesesario pa prepará e kaminda … i di mes un forma bai den e kas di Dios i ehekutá e obra ei … ku nan … no por ehekutá pa nan mes.”²¹

Ora ku, e tempu ei Elder Monson, a bisa e remarkenan dje dedikashon ei, na 20 di Juni, 1964, tabata tin solamente 12 tèmpel den operashon. Durante e periodo ku Presidente Monson a sirbi den e konseho mayó di Iglesia, 130 for di nos 142 tèmpelnan den operashon tabata tin nan dedikashonan original. E ta un milager di mira e aselerashon di e obra di salvashon den nos dia. Binti ocho tèmpel mas a wòrdu anunsiá i ta den varios etapa di konstrukshon. Ochenta i sinku porshento di miembronan di iglesia awor ta biba den 320 kilometer di un tèmpel.

Teknologia di Historia Familiar

Teknologia di historia familiar tambe a avansá drastikamente. Presidente Howard W. Hunter a deklará na Maart di 1995: “Nos a kumisá usa teknologia informatiko pa aselerá e obra sagrado dor di proveé ordenansanan pa esnan ku a fajesé. E ròl di teknologia … a wòrdu aselerá dor di Señor mes … Sin embargo, nos ta pará solamente na e kumisamentu di kiko ku nos por hasi ku e hèrmèntnan aki.”²²

Den e 19 añanan for dia ku e deklarashon profetiko aki a wòrdu hasí, e aselerashon di teknologia ta kasi inkreibel. Un mama di 36 aña di edat ku ju chikitu a deklará resientemente na mi, “Djis pensa – nos a sali for di ekipo di micro film den sentronan di historia familiar dediká pa sinta na mi mesa di kushina ku mi komputer i hasi historia familiar despues ku mi junan por fin a pega soño. “ Rumanan, sentronan di historia familiar awor ta den nos hogarnan.

Obra di tèmpel i di historia familiar no ta solamente pa nos. Pensa riba esnan n’e otro banda dje velo ku ta wardando pa nan ordenanzanan salvadó ku lo libranan di e sklavitut di e prizòn di spiritu. Prizòn ta wòrdu difiní komo un “estado di privashon òf di kautiverio.”²³ Esnan den kautiverio por ta hasiendo e pregunta di William Saroyan: “Kiko awor?”

Un ruman fiel a komparti un experensia spiritual den e tèmpel di Salt Lake. Mientras ku e tabata den e kamber di konfirmashon, después di un ordenanza di konfirmashon vikario a wòrdu pronunsiá, e la skucha, “ i e prisionero lo sali liber!” E la sinti un gran sentimentu di urgensia pa esnan ku tabata wardando pa nan obra di bautismo i konfirmashon. Ora ku e la jega kas, e la studia e skrituranan pa e frase ku e la skucha. E la haña e deklarashon di José Smith den e sekshon di 128 di Doctrine and Covenants: Laga bo kurason regosihá, i sea hopi kontentu. Laga e tera kumisa kanta. Laga e morto kanta himnonan di apresio eterno na e Rei Imanuel, ku a manda, promé ku mundo tabatá, e loke ku lo laga nos redimí nan for di den prizòn; pasombra e prisioneronan lo sali liber.²⁴

E pregunta ta, kiko nos mester hasi? E konseho di e profeta José tabata pa presentá den e tèmpel e rejistronan di nos mortonan, di kual lo ta digno di tur aseptashon.”²⁵

E liderazgo di iglesia a duna un jamado klá na e generashon nobo pa liderá e kaminda den uso di teknologia pa experensiá e spiritu di Elias, pa buska nos antepasadonan, i pa ehekutá ordenanzanan di tèmpel pa nan.²⁶ Hopi di e karga pisá den e aselerashon di e obra di salvashon pa tantu e bibu komo e morto lo wòrdu hasí pa nos hobenan.²⁷

Si e hobenan den kada bario no kita man for di tèmpel i hasi bautismo pa nan mortonan pero tambe traha ku nan famianan i otro miembronan di bario pa proveé nòmbernan di famia pa e obra di ordenanza ku nan ta ehekutá, tantu nan komo iglesia lo wòrdu bendishoná grandemente. No menos presiá e influensia di risibí e judansa di esnan ku a muri pa nan juda boso esfuerzonan i e goso di kual na final boso lo konosé esnan ku boso a sirbi. E bendishon eterno di uni nos propio famianan ta kasi inkomprendibel.²⁸

Den e miembresia mundial di iglesia 51% di adultunan aktualmente no tin tur dos mayornan den e sekshon di “Family Tree” di e website di Iglesia di FamilySearch. Sesenti sinku porshento di adultunan no tin tur dos wela i tanwela den e lista.²⁹ Kòrda, ku nos sin nos rais i rama no por wòrdu salbá. Miembronan di iglesia mester obtené i aportá e informashon kritiko aki.

Finalmente nos tin e doktrina, e tèmpelnan, i e teknologia pa famianan por kumpli ku e glorioso obra di salvashon aki. Mi ta sugerí un forma ku esaki por wòrdu hasí. Famianan por tin un reunión di Family Tree. Esaki mester ta un evento frekuente. Tur hende lo trese historianan di famia ku ta existi, relatonan, potrètnan, inklujendo poseshonan kerí di wela ku tanwela i di mayornan. Nos hobenan ta antusiasmá pa siña tokante di e bida di miembronan familiar—di unda nan a bini i kon nan a biba. Hopi a haña nan kurason ta wòrdu birá na nan mayornan. Nan ta stima relato i potrètnan, i nan ta experto den teknologia pa skèn i di pone e relatonan i potrètnan riba Family Tree, konektá dokumentonan ku antepasadonan a preservá esakinan pa tur tempu. Naturalmente, e obhetivo prinsipal ta pa determiná kua ordenanza ainda mester wòrdu hasí i duna asignashonan pa e obra esensial di tèmpel. E pamfleto Mi Famia por wòrdu utilizá pa juda rejistrá informashon familiar, relatonan, i potrètnan ku por wòrdu poné riba “Family Tree.”

Kompromisonan familiar i expektativanan mester ta na e tòp di nos prioridatnan pa protehé nos destino divino. Pa esnan ku ta buskando un uso mas fruktifero di nan dia di Sabat pa famia kompleto, e aselerashon di e obra aki ta un kampo klá pa plantashon. Un mama kontentu ta kontami ku su ju hòmber di 17 aña ta subi riba komputer después di iglesia riba djaduminu pa hasi obra di historia familiar i su ju hòmber di 10 aña gusta di skucha relatonan i di mira potrètnan di su antepasadonan. Esaki a bendishoná nan famia kompletu pa experensiá e spiritu di Elias. Nos rais i ramanan presioso mester wòrdu nutrí.

JesuCristo a duna Su bida komo un Expiashon vikario. E la kontestá e ultimo pregunta hasí pa Jòb. E la triunfa riba morto pa hinter humanidat, di kual nos no por a hasi pa nos mes. Nos por, sin embargo, ehekutá ordenanzanan vikario i verdaderamente bira salvadornan riba Seru di Sion pa nos propio famianan, pa nos, huntu ku nan, por wòrdu exaltá i salbá tambe.³⁰

Mi ta duna mi testimonio na e sakrifisio expiatorio di e Salvador i e verasidat di e plan di e Tata pa nos i nos famianan. Den e nòmber di JesuCristo, amèn.