E Yabinan i Outoridat di e Saserdosio

Pa Elder Dallin H. Oaks

Di e Quorum di e Diesdos Apòstelnan

Imagen

Yabinan di saserdosio ta dirigí tantu muhénan komo hòmbernan, i e ordenansanan di saserdosio i outoridat di saserdosio ta pertenesé na tantu muhénan komo hòmbernan.

I.

Den e konferensia aki nos a mira e relevo di algun rumannan fiel, i nos a sostené e yamamentunan di otronan. Den e kambio di yamamentunan—asina komun den e Iglesia—nos no ta baha di statura den Iglesia ora nos ta wòrdu relevá, i nos no ta asumí altura di estatura den Iglesia ora nos ta wòrdu yamá. No tin yamamentu grandi of chikí den e servicio di Señor. Únikamente tin progreso of retraso i e diferensia ta dependé ta kon nos ta aseptá i reakshoná den nos relevonan i nos yamamentunan. Un bia mi a presidí un relevo di un presidente di staka yòn kende a duna bon servisio pa nuebe aña i tabata regosihando den su relevo i den e yamamento nobo ku e i su kasa a kaba di risibí. Nan a wòrdu yama pa ta e lidernan di guarderia di su bario. Únikamente den e Iglesia aki esei lo wòrdu mira komo igualmente honorabel!

II.

Durante un diskurso den un konferensia di hermanas, e presidenta di Sosiedat di Sokoro Linda K. Burton a bisa, “Nos ta spera pa inkulká den kada un di nos un deseo mas grandi pa komprende mihó e saserdosio .”¹ E nesesidat ei ta apliká pa nos tur, i mi lo purba di pasa e deseo ei dor di papia tokante di outoridat e yabinan di saserdosio. Dor ku e tema aki ta di importansia tantu pa hòmbernan i muhénan, mi ta kontentu ku e konferensia aki ta wòrdu transmitἱ i publiká pa tur miembronan di e Iglesia. Poder di Saserdosio ta bendishoná nos tur. Yabinan di saserdosio ta dirigí tantu muhénan komo hòmbernan, i e ordenansanan i outoridat di saserdosio ta pertenesé na tantu muhénan komo hòmbernan.

III.

Presidente Joseph F. Smith a deskribí e saserdosio komo “e poder di Dios delegá na hòmber pa medio di kua hòmber por aktua na tera pa e salbashon di e famia humana.”² Otro lidernan a siña nos ku e saserdosio ta e poder supremo riba e tera aki. E ta e poder pa medio di kua e tera a wòrdu kreá.”³ E skrituranan ta siña ku “e mesun Saserdosio aki, kua tabata den kuminsamentu, lo ta den e final di e mundu tambe” (Moses 6:7). Asina ku, e saserdosio ta e poder pa medio di kua nos lo resusitá i prosede pa bida eterno.

E komprenshon ku nos ta buska ta kuminsá ku un kompreshonn di e yabinan di e saserdosio. “Yabinan di Saserdosio ta e outoridat ku Dios a duna e poseedor di saserdosio pa dirigí, kontrola i governa e uso di Su saserdosio riba tera.⁴ Kada akto of ordenansa ehekuta den e Iglesia ta wòrdu hasi bou di e direk of indirek outorisashon di unu ku tin e yabinan pa e kapasidat ei. Manera Elder M. Russell Ballard a splika, “Esnan ku tin e yabinan di saserdosio… literalmente ta hasi posibel pa tur ku ta sirbi fielmente bou di nan direkshon pa [nan] ehersé e outoridat di saserdosio i tin akseso na e poder di saserdosio.”⁵

Dor di kontrola e praktika di e outoridat di saserdosio, e funshon di yabinan di saserdosio ta tantu oumentá komo limitá. E ta oumentá dor hasi posibel pa e outoridat i bendishonan di saserdosio ta disponibel na tur e yunan di Dios. E ta limitá pa medio di dirigí esnan ku lo risibí e outoridat di e saserdosio, ken lo tin e ofisionan di dje, i kon su derechonan i podernan lo wòrdu konferí. Por ehempel, un persona ku tin e saserdosio no por konferí su ofisio of outoridat na otro, a menos ku e ta outorisá pa unu ku tin e yabinan. Sin e outorisashon ei, e ordenashon lo ta invalido. Esaki ta splika e motibu ku un poseedor di saserdosio, sin importá e oficio ku e tin—no por ordená un miembro di su famia of administrá e Santa Sena den su mes kas sin outorisashon di unu ku tin e yabinan apropiá.

Ku e eksepshon di e obra sagrado ku e hermanas ta hasi den e tempel bou di e yabinan poseé pa e presidente di tempel, kua mi lo deskribi mas dilanti, unikamente unu ku tin un ofisio di saserdosio por ofisialisá den un ordenansa di saserdosio. i tur ordenansa outorisá di saserdosio ta wòrdu registrá den e registronan di Iglesia.

Ultimamente, tur e yabinan di saserdosio ta wòrdu poseé pa e Señor JesuCristu,di ken e saserdosio ta. E ta e úniko ku ta determiáa kua yabinan ta wòrdu delegá na hende mortal i kon e yabinan lo wòrdu usá. Usualmente nos ta pensa ku tur e yabinan di saserdosio a wòrdu konferí na Jose Smith den e Tempel di Kirtland, pero e skritura ta bisa ku tur loke a wòrdu konferí tabata e yabinan di e dispensashon aki” (D&C 110:16). Den e konferensia general di hopi aña pasa Presidente Spencer W. Kimball a kòrda nos ku tin otro yabinan di saserdocio ku no a wòrdu duna na hòmber riba tera, inkluyendo e yabinan di kreashon i resurekshon.⁶

E naturalesa divino di e limitashonan koloka riba e uso di yabinan di saserdosio ta splika un kontraste esenshal entre desishonan riba asunto di administrashon di Iglesia i desishonan afectando e saserdosio. E Prome Presidensia i e Konseho di e Prome Presidensia i Quorum di e Djesdos, kende ta presidi riba e Iglesia, tin e poder pa tuma hopi desishonan afektando politica i procedimientonan di Iglesia—asuntunan manera e luganan di edifisionan di Iglesia i edatnan pa servicio mishonal. Pero aunque e outoridanan ku ta presidi tin i ta ehersé tur e yabinan ku ta wòrdu delegá na hòmber den e dispensashon aki, nan no ta liber pa alterá e dekreto divino di e patronchi ku unikamente hòmbernan ta poseé ofisionan den e saserdosio.

IV.

Awor mi lo papia tokante e tema di outoridat di saserdosio. Mi ta kuminsá ku tres prinsipio ku a kaba di wòrdu tratá (1) e saserdosio ta e poder di Dios delegá na hòmber pa aktuá pa e salbashon di e famia humano, (2) e outoridat di saserdosio ta wòrdu goberná pa poseedornan di saserdosio ku ta poseé e yabinan di saserdocio i (3) dor ku e skrituranan ta deklara ku “tur otro outoridat i ofisio den Iglesia ta parti di e Saserdosio di Melquisedek” (D&C 107:5), tur loke ta wòrdu hasi bou di e direkshon di e yabinan di saserdosio ei ta wòrdu hasi ku e outoridat di saserdosio.

Kon esaki ta wòrdu aplika na muhénan? Den un diskurso na e Sosiedat di Sokoro, Presidente Joseph Fielding Smith, e tempu ei Presidente di e Kuorum di Djesdos Apòstelnan, a bisa esaki: “Aunque e hermanas no a risibí e Saserdosio, e no a wòrdu konferí riba nan, esaki no kermen ku e Señor no a duna nan outoridat. Un persona por tin outoridat duna na dje, of na un hermana, pa hasi algun kosnan den Iglesia ku ta uni i ta absolutamente nesesario pa nos salbashon, manera e obra ku nos hermanas ta hasi den e Kas di Señor. Nan tin outoridat duná na nan pa hasi algun kosnan grandi i maraviyoso, sagrado na e Señor, i uni meskos ku e bendishonan ku ta wòrdu duná na e hòmbernan ku tin e saserdosio.”⁷

Den e diskurso importante ei, Presidente Smith a bisa ripitidamente ku muhénan a wòrdu duná outoridad. Na e hermanas el a bisa, “Boso por papia ku outoridat, pasobra e Señor a duna outoridat na boso.” Tambe el a bisa ku e Sosiedat di Sokoro a wòrdu duná poder i outoridad pa hasi hopi kosnan grandi. E obra kua nan ta hasi ta wòrdu hasi pa outoridad divino.” I, klaro ku, e obra di Iglesia hasí pa muhénan òf hòmbernan, sea den e tempel of den e bario òf ramanan, ta wòrdu hasi bou di e direkshon di esnan ku tin e yabinan di saserdosio. Asina ta ku, i papiando ku e sisiedat di sokoro, Presidente Smith a splika, “E Señor a duna nan e organisashon grandioso aki unda nan tin outoridat pa sirbi bou di e direkshonan di obispo di e bario … , kuidando di e interes di nos hende tantu spiritual komo temporalmente.⁸

Asina ta, ku bèrdat ta wòrdu bisá ku pa muhénan di Sosiedat di Sokoro no ta djis un klas pero algu ku nan ta pertenese na dje—un parti establesí pertenesiente na e saserdosio.⁹

Nos no ta kustumbrá di papia di muhénan teniendo outoridat di saserdosio den nan yamamentu den Iglesia, pero kua otro outoridat e por ta? Ora un muhé—yòn of bieu—ta wòrdu apartá pa predika e evangelio komo mishonero di tempu kompletu, e ta wòrdu duna outoridad di saserdosio pa ehersé un funshon di saserdosio. Esei ta konta tambe ora un hende muhé ta wòrdu apartá pa traha komo un ofisial of maestra den un organisashon di Iglesia bou di e direkshon di unu ku tin e yabinan di saserdosio. Ken ku ta traha den un ofisio of yamamentu ta risibí for di unu ku tin e yabinan di saserdosio i ku ta eherséehersé e outoridat di saserdosio den e ehekushon di su deber asigná

Esun ku ta ehersé e outoridat di saserdosio mester lubida tokante nan derechonan i konsentrá riba nan responsabilidatnan. Esei ta un prinsipio ku tin mester den e henter sosiedat en general. E famoso skritor Ruso Aleksandr Solzhenitsyn awòrdu sita bisando, “ Ta e momento … pa defende no tantu e derechinan humano pero mas e obligashonnan humano.”¹⁰ Santunan di Delaster Dianan sigur ta rekonosé ku pa kalifiká pa eksaltashon no ta un asuntu di e ehersé derechonan pero un asuntu di kumpli ku responsabilidatnan.

V.

E Señor a manda ku ta hòmber so lo wòrdu ordená den e ofisionan di e saserdosio.¹¹ Pero, manera varios lidernan di Iglesia a enfatisá, hòmber nan “no ta e saserdosio”. Hòmbernan tin e saserdosio, ku e sagrado deber pa use’le pa bendishona tur e yunan di Dios.

E poder mas grandi di Dios duná na Su yunan no por wòrdu ehersé sin e kompañia di unu di Su yunan muhé, pasobra unikamente na Su yunan muhé Dios a duna e poder pa “ta un kreador di kurpanan … pa asina e diseño di Dios i e Gran Plan por duna fruto.”¹² Esakinan ta e palabranan di President J. Reuben Clark.

El a sigui: “Esaki ta e lugá pa nos esposanan i nos mamanan den e Plan Eterno. Nan no ta poseedor di e Saserdosio; nan no tin eresponsabilidat ehekutá e debernan i funshonan di e Saserdosio; ni tampoco nan tin e karga di e responsabilidatnan aki; nan ta edifikador i organisador bou di su poder, i partisipante di su bendishonan, poseyendo e komplementu di e podernan di Saserdosio i un funshon dibinamente yamá, tan importantemente eterno den su lugá komo e Saserdosio mes.”¹³

Den e palabranan inspirá ei, Presidente Clark tabata papia di e famia. Manera a wòrdu deklará den e proklamashon di e famia, e tata ta presidí den e famia, i e mama tin responsabilidatnan diferente, pero nan ta obligá pa yuda otro komo partner igual.”¹⁴ Algun añan promé ku e proklamashon di e famia, Presidente Spencer W. Kimball a duna e eksplikashon inspirá aki: “Ora nos ta papia di matriomonio komo un sosiedat, laga nos papia di matrimonio komo un sosiedad kompletu. Nos no que nos hende muhé Santu di Delaster Dianan pa ta un partner ketu, of un partner limitá den e asignashon eterno aki! Por fabor sea un partner ku ta kontribuí i kompletu.”¹⁵

Den e wowo di Dios, sea den Iglesia of den famia, muhénan i hòmbernan ta igual, ku diferente responsabilidatnan.

Mi ta sera ku algun berdatnan tokante e bendishonan di saserdosio. Diferente na e yabinan i ordenashon di e saserdosio, e bendishonnan di saserdosio ta disponibel pa hende muhénan i hende hòmbernan den e mesun termino. E don di e Spiritu Santu i e bendishonan di e termpel ta ilustrashonan familiar di e berdat aki.

Den su diskurso grandioso duná riba e Siman di Educashon di BYU e verano pasá, Elder M. Russell Ballard a duna e siñansanan aki:

“Nos doktrina di Iglesia ta koloka hende muhé igual i tog diferente di hende hòmber. Dios no ta balorá un genero mas ku e otro òf mas importante ku e otro …

“Ora hòmbernan i muhénan bai den e tempel, nan tur dos ta wòrdu investi ku e mes poder, kua ta e poder di e saserdosio … Akseso na e poder i e bendishonan di e saserdosio ta disponible na tur e yunan di Dios.”¹⁶

Mi ta testifika di e poder i bendishonan di e saserdosio di Dios, disponibel pa Su yunan hòmber i yunan muhé di e mes manera. Mi ta testifika di e outoridat di e saserdosio, kua ta funshoná pa medio di tur e ofisionan i aktibidatnan di e Iglesia di JesuCristu di e Santunan di Delaster Dianan. Mi ta testifika di e funshon dibinamente dirig,ἱ di e yabinan di e saserdosio, ku ta wòrdu tene i ehersé den nan plenitut pa nos profeta/presidente, Thomas S. Monson. Finalmente i mas importante, mi ta testifika di nos Señor i Salbador, JesuCristu, kende su saserdosio esaki ta i kende su sierbonan nos ta, den e number di JesuCristu, amen.