E Profeta Jose Smith

Pa Elder Lawrence E. Corbridge

Di e Setenta

E rebelashonan bashá riba Jose Smith ta konfirmá ku e tabata un profeta di Dios.

E Promé Vishon

Un mucha hõmber ta lesa e Beibel, i su wowo ta para riba un bersíkulo singular di skritura. Esáki ta un momento ku lo kambia e mundu.

E ta ansioso pa e sa kual iglesia por hib’é na e berdat i salbashõn. El a purba kasi tur otro kos, i awor el a habri e Beibel i a lesa e palabranan aki: Si kual kier di boso ta falta sabiduria, laga pidi na Dios, kende ta duna na tur homber, i no ta duna e kara, i e lo wõrdu duná na dje.¹

E ta reflehá riba a palabranan e’í hopi biaha. E promé bria di lus ta penetrá e obskuridat. Esáki ta e kontestashon, e kaminda ku ta guia pafõ e konfushon i obskuridat? E por ta asina simpel? Pidi Dios i E lo respondí? Ku tempu el a disidí ku e mester pidi Dios of keda den obskuridat i konfushon.

Aunke e ta hopi ansioso, e no ta kore na un skina kietu of bisa lihé un orashon. E djis tin djeskuater aña, pero aunke e ke sa, e no ta apresurá. Esáki no ta kual kier orashon. E ta disidí na unda e ke bai ora e ta hasi su orashon. E ta prepará papia ku Dios.

I despues e dia ta bini. E ta un mainta kla i bonitu durante e primavera di [1820].² E ta kana abou di e palunan grandi hañá na e mondi kietu ku ta serka. El a yega na e lugá unda el a disidí promé pa bai. E ta hinka na rudiá i a ta ofrese e deseonan di su kurason.

Deskribiendo loke a sosodé despues, el a bisa:

“Mi a wak un kolumna di lus net riba mi kabes, mas briyo ku e solo, e lus a desendé poko a poko te ku el a kai riba mi.”

“… Ora e lus a kai riba mi mi a wak dos personahe, kén su briyo i gloria no tin deskripshon, pará riba di mi na aire. Un di nan a papia ku mi, yamando na mi nõmber, mustrando riba e otro—[Jose,] Esáki ta Mi Yu Stimá. Tende di dj’E!”³

Djis 24 aña despues, Jose Smith i su rumán Hryum lo muri dor di loke a sosodé aki.

Oposishon

Jose a bisa ku ora e tabatin 17 aña, un anhel a bis’éle ku su nõmber lo ta pa bon i malu na tur nashon … entre tur hende.⁴ E profesía asombroso aki ta kontinuá wõrdu kumplí awendia mientras E Iglesia di JesuCristu di e Santunan di e Delaster Dianan a propogá rõnt mundu.

Oposishon, krítika, i antagonísmo ta kompañeronan di e berdat. Ora e verdat ku respeto ku e propõsito i destino di hõmber ta wõrdu rebelá, semper lo tin un forsa kontra dje. Kuminsando ku Adan i Eva na e Hardín di Eden, te ora e ministerio di Cristu, i te awendia, semper tabatin i lo tin un forsa pa gaña, destruí, hasi oposishon, i frustrá e plan di bida.

Buska pa e nubia di puiro mas grandi riba esun kende a haña oposishon, a wõrdu kombatí, i rechasá, batí, abandoná, i krusifiká, Un ku a wõrdu desendé abou di tur kos, i e’í bosnan lo haña berdat, e Yiu di Dios, e Salbador di tur hende. Di kon nan no a lag’é den pas?

Dikon? Pasobra e ta e berdat, i e berdat semper lo haña oposishon.

I despues buska pa esun kende a duna lus na otro tèstamènt di JesuCristu i otro skrituranan, buska pa esun kende tabata un instrument dor di lo kual e plentitud di e evangelio di e Iglesia di JesuCristu a wõrdu restorá na mundu, buska pa’é i spera pa haña e puiro bulando. Di kon nan no a lag’é den pas?

Dikon? Pasobra El a siña e berdat, i e berdat semper lo haña oposishon.

E Inudashon di Rebelashon

E rebelashonan bashá riba Jose Smith ta konfirmá ku e tabata un profeta di Dios. Laga nos wak algun di nan—djis wak riba algun di e lus i berdat revelá dor di dje ku ta briá kompará ku e kreensianan komun di su dia i di nos dia.

Dios ta un ser personal i eksaltá, un Tata Eterno. E ta nos Tata.
Dios e Tata, JesuCristu, i e Spíritu Santu ta sernan seperá.⁵
Bosnan ta mas ku un humano. Bosnan ta un yiu di Dios e Tata Eterno i por bira manera E⁶ si bosnan tin fe den Su Yiu, arrepentí, risibí ordenansanan, risibí e Spíritu Santu, i perserverá te na fin.⁷
E Iglesia di JesuCristu awe ta fundamentalmente e mesun Iglesia El a organisá durante Su ministerio mortal, ku profetanan i Apõstelnan, Saserdosio Melkisidek i Levitiko, eldernan, sumo saserdotenan, diákononan, maestronan, obisponan, i e setenta, tur manera describe na beibel.
Autoridat di Saserdosio a wõrdu kitá for di e mundu despues e mortonan di e Salbador i Su Apõstelnan i a wõrdu restorá atrobe den nos dianan.
Rebelashon no a para, i e shelunan no ta será. Dios ta papia ku profetanan awe, i E lo papia ku bosnan i ami tambe.⁸
Tin mas despues di e bida aki ku djis e shelu i fierno. Tin tres grado di gloria, i e ta hopi importante loke nos ta hasi durante e bida aki.⁹
Mas ku tin un kerensia pasibo den Cristu, nos mester sigui’éle ku tur pensamentu,¹⁰ hasi tur kos nos ta hasi den e nõmber di e Yiu,¹¹ i semper korda di dje i warda su mandamentunan … pa nos por tin su Spíritu ku nos.¹²
E biyon di hende kende a biba i muri sin e evangelio i e ordenansanan nesesario pa salbashon no ta perdí. Dor di e Ekspiashon di Cristu, tur hende, por wõrdu salbá, dor di obediensia na e leinan i ordenansanan di e Evangelio,¹³ administrá na tur esnan bibiente i morto.¹⁴
Tur kos no a kuminsá ku e nasamentu. Bosnan a biba promé den e presensia di Dios manera Su yiu hõmber of yiu muhé i a prepará pa e bida mortal.¹⁵
Kasamentu i famia no djis ta konbenshonan di hõmber ku ta dura te ora nos ta muri. Nan ta destiná wórdu hasí eterno dor di konbenionan hasí ku Dios. E famia ta e patron di shelu.¹⁶

I esáki djis ta un parti di e inundashon di rebelashon bashá riba Jose Smith. Di unda e tur a bini, e rebelashonan ku ta duna lus na e obskuridat, klarifikashon na dudanan, i lo kual a inspirá, bendishoná, i mihorá mion di hende? Kiko ta mas probabel, ku el soñá tur kos of ku e tabatin yuda di shelu? E skrituranan ku el a realisá sona manera e palabranan di hõmber of di Dios?

Konklushon

No tin diskushon õfer di loke Jose Smith a logra, djis kon el a hasi loke el hasi i di kon. No tin hopi alternatibonan. E tabata un pretendiente of profeta. El a hasi loke el hasi sin yuda, of e tabatin yuda di shelu. Wak a evidensianan, pero wak tur e evidensianan, henter e mosaiko di su bida, no djis un parti. Mas importante, hasi manera yõn Jose i pidi Dios, ku ta duna na tur homber, i no ta duna e kara, i e lo wõrdu duná na dje [bo].¹⁷ Esáki no djis ta e manera ku bosnan por siña e berdat di e Buki di Mormon i Jose Smith, e tambe ta un patron di sa e berdat di tur kos.¹⁸

Jose Smith tabata un profeta di Dios, manera Thomas S. Monson ta awe. Dor di Jose Smith, e yabinan di e reinu di Dios a wõrdu duná na hõmber na mundu, i e evangelio lo rodá dilanti … manera un baranka ku a wõrdu kitá for di e seru sin mannan … , te ora el a yena tur e mundu.¹⁹

Dios ta nos Tata Eterno, i Jesus ta e Cristu. Nos ta adorá Nan. Nada por kompará ku Su Kreashonnan, e plan di salbashon, i e sakrifísio di e Lamchi di Dios. Durante e dispensashon aki, nos ta kumpli e plan di e Tata i ta partisipá di e frutonan di e Ekspiashon djis dor di obediensia na e leinan i ordenansanan di e evangelio restorá dor di e Profeta Jose Smith. Mi ta comparti mi testimonio di Nan, Dios e Tata Eterno, i JesuCristu e Salbador di mundu. Y mi ta hasi’e den e nõmber di JesuCristu, amen.