Elder Craig C. Christensen
O Le Au Fitugafulu

Eiai se mau fatu a le matou aiga e maua i le Alema 32:28—FFAU—Faamalositino Faaleagaga i Aso Uma,” o le saunoaga lea a Elder Craig C. Christensen, lea na lagolagoina talu ai nei e avea ma se uso o le Korama Lua a Fitugafulu.

O le faamalositino o se vaega tele o le soifuaga o Elder Christensen. O le avea ai o le aiga o Elder Christensen ma se aiga e toaaga tele e faamalositino, e fiafia foi e tofutofu faatasi pe a fai a latou tafaoga faaleaiga, e faapena foi ona faia faamalositino faaleaiga a Elder Christensen ma lona faletua, o Debora, ma o la’ua alo e toafa, e ala lea i le faiga o a latou faigalotu faaleaiga ma suesuega tusitusiga paia. E le gata i lea, ae e fai foi lava le atinae faaleagaga a Elder Christensen lava ia. “Ua tele tausaga,” na saunoa ai Elder Christensen, “o le mafaufau loloto ma sailiili i tusitusiga paia ua faamalosia ai au ma atiinae ai la’u molimau.”

Na soifua mai Elder Christensen i le aso 18 o Mati 1956 i le Aai o Sate Leki, Iuta, i ona matua o Sheron Glen ma Colleen Cloward Christensen. Sa siitia atu lona aiga i Concord, i Kalefonia, a o lei oo o ia i le aoga faaitumalo. Na toe taliu mulimuli ane o ia i Iuta ina ua aoga i le kolisi, e taalo i le au lakapi [faa-Amerika] mo le Iunivesite a Polika Iaga.

“O le lakapi lava le mea sa ou tulimatai atu i ai, a o lei faia la’u misiona i Chile,” o le tala lea a Elder Christensen. “Ina ua avea au ma se faifeautalai, sa suia uma ai na manatu. Na ou maua ai le alofa tele mo tagata ma le faanaunauga ia ou matua auauna atu i ai.”

Sa faaipoipo i le Malumalu o Sate Leki i le aso 28 o Mati 1978 ia Debora Jones—“o la’u faaaoaoga o le ola i le talalelei”—sa aoga o ia i mataupu faatausitusi ma pisinisi. A o avea ai o ia ma se faipisinisi e faatauina atu taavale, sa pulunaunau atu o ia i le “soifua ai i le mataupu faavae o le amiosa’o po o le faamaoni ma ia aoaoina atu ai foi i isi.”

Sa ia aoaoina lenei mataupu faavae mai tagata na taitaiina o ia i lona olaga atoa, e aofia ai lona tama, o le sa avea ma ona epikopo ma peresitene o le siteki; o lona uso; ma lona peresitene o le misiona.

Sa fesoasoani nei tagata e saunia o ia e auauna atu o se epikopo, peresitene o le misiona, ma se Fitugafulu Pule Eria. O nei faataitaiga ma aafiaga, na saunoa ai Elder Chistensen, “Ua ou iloaina nei e moni lava e aoao e le Agaga i tatou ma i latou foi tatou te aoaoina. Soo se valaauga lava, e tatau ona tatou vaavaai mo mea e finagalo le Alii tatou te faia.”