Elder Spencer V. Jones
O Le Au Fitugafulu

Tatou o uma lava. Tatou o se’i matapogia ai le epikopo. Tatou o uma e fai a tatou molimau.” O le lui lea na tuu atu e Spencer V. Jones a o talavou, i ana tiakono. O se mea na amata ai ona mausali lana molimau. “A o ou tuuina atu la’u molimau, i le faaiuga—e le pei o le masina na mavae sa ou ata i tagata sa fetagisi pe a fai a latou molimau aua ou te le i malamalama lelei i ai—sa maligi o’u loimata,” o le toe tomanatu lea o Elder Jones. “E le mafai ona galo ia te au lena taimi, aua pe a talanoa le agaga i le agaga, e i ai se mea faapitoa e tupu mai ai.”

O Elder Jones, lea na lagolagoina talu ai nei e avea ma se uso o le Korama Lua a Fitugafulu, sa soifua mai i Safford, Arizona i ona matua o Virgil ma Nellie Baker Jones, i le aso 17 o Setema 1945. Sa soifua ae o se atalii o se faifaatoaga i si nuu laitiiti o le Au Paia o Aso e Gata Ai, o Virden, Niu Mekisiko, ma sa avea le falelotu ma taulaiga o gaoioiga. “Toetoe lava o tagata uma o le taulaga sa matou faaigoaina o uso o matou tina ma tuafafine o tama po o tuagane foi o matou tina ma uso o matou tama [aunt ma uncle]—tusa lava pe matou te aiga pe leai foi—ma sa fetausiai tagata uma e pei lava e aiga.”

Ina ua uma lana misiona i le Misiona a Atenitina i Matu, sa auai atu Elder Jones i le Iunivesite a Polika Iaga, lea na maua ai lona faailoga i suesuega o manu. Na la feiloai ma Joyce Elizabeth i se siva a le iunivesite na saunia e le Faalapotopotoga a tamaiti o le aoga mai Arizona. Na faaipoipo i laua i le aso 3 o Iuni 1968, ma ina ua uma le faauuga, sa la sii atu i Gallup, i Niu Mekisiko. E tele ni pisinisi eseese sa faigaluega ai Elder Jones, e aofia ai se kamupani fai meaafale ma se kamupani o lafu manu papalagi. E toatolu o la’ua alo ma lona faletua, ae toavalu fanau a le la fanau.

Na faamatala e Elder Jones o ona tofiga uma lava taitasi, o se faamanuiaga ma ua saunia ai o ia e saga auauna atili ai i le malo o le Alii. E tele naua mea ua ia aoaoina mai ona valaauga taitasi, pe sa galue o se peresitene o Alii Talavou, fesoasoani i le epikopo, epikopo, faiaoga i le seminare, peresitene o le misiona, failautusi faapitoa o le eria, po o se Fitugafulu Pule Eria. “O valaauga taitasi o se faasitepu e laa i ai ma se aafiaga e aoao ai,” o le saunoaga lea a Elder Jones. “E taitasi faasitepu e te laasia i taimi taitasi.”