Elder James M. Dunn
O Le Au Fitugafulu

E faapei foi o le toatele o isi, sa ou atiinae la’u molimau i lea aso ma lea aso, e pei o le fauina o se fale e taitasi piliki e faataatia i le taimi,” o le saunoaga lea a Elder James M. Dunn, lea na faatoa tofia talu ai nei i le Korama Lua a le Au Fitugafulu. “O lagona faaleagaga sa ou maua ao ou laitiiti, ua faateleina a o gasolo pea le olaga e ala i le tautua ma faia mea sa’o sa aoaoina ai au.”

Sa soifua mai o ia i le aso 16 o Aperila 1940 i Pocatello, Idaho, i ona matua o Billy E. ma Melba Meyers Dunn, ma sa soifua ae ma ona uso e toafa ma lona tuafafine e toatasi i le Aai o Sate Leki, Iuta, “ma sa latou mauaina uma avanoa ma faamanuiaga e mafai ona maua e se tamaitiiti o le Au Paia o Aso e Gata Ai.”

Ina ua maea lana misiona i Uruguay, sa faaipoipo loa Elder Dunn ma Sandra (Penny) Barker i le Malumalu o Sate Leki i le aso 7 o Aokuso 1963. Sa faamemelo o ia ma faaaloalo ia Penny talu ona la’ua galulue faatasi o ni taitai o le latou vasega i le aoga maualuga. I le popofou o le la faaipoipoga, sa galue ai Elder Dunn o se komesina o le militeli i le Militeli Faaleoleo a le Malo i Iuta, ma faamaea ai ana aoaoga mo lona faailoga i le faa-Latina Amerika i le Iunivesite o Polika Iaga, ma maua ai foi ma lona faailoga faaloia mai le Iunivesite o Iuta.

I lana galuega faaloia faataitai sa matua manaomia ai lona taimi, na aoao ai e Elder Dunn, o se isi tagata e toatasi po o ni nai itula foi e totogi ai o ia, ua na o sina totogi faatauvaa nai lo lana auaunaga atoatoa i le Ekalesia, lea e aofia ai valaauga e pei o le fautua maualuga, epikopo, peresitene o le siteki, peresitene o le misiona, ma le Fitugafulu Pule Eria.

Ona o ia o se tama o se fanau teine e toaono, o lea na saunoa ai Elder Dunn, “E faapitoa lava lo’u olaga; e tulaga ese lava se sootaga o afafine ma o latou tama.” Na faamalosia lenei sootaga ina o auauna atu o ia ma lona aiga i Colombia, i le mea sa avea ai o ia ma peresitene o le misiona. Sa toe taliu mai o ia ma lona faletua ma ona afafine a ua matua lelei le latou faa-Sipaniolo ma ua faamalolosia i le faaleagaga.

Ina ua maua lona valaauga fou, sa saunoa Elder Dunn: “E taumanatunatu nisi pe aisea e tutupu ai nei mea, ae pe o le a foi le tulaga o le a i ai le olaga i tausaga o i luma. Peitai o valaauga ua mavae, ua ou iloa ai o le auauna atu o se faamanuiaga maoae. Ua tele tausaga, o avea pea le Ekalesia ma totonugalemu o mea lelei uma i lo’u aiga ma lo’u olaga.”