Kumusta ang Inyong mga E-Manner?

Ni Lindsay Law

Ang mga cell phone, mga e-mail, mga mensahe sa text—adunay daghan nga mahinungdanon kaayo nga mga paagi sa pagpakigsulti ngadto sa inyong mga higala ug sa inyong pamilya. Nasayud ba kamo kanus-a kini angay nga gamiton?

1 Mao pay pagdawat nimo og regalo sa birthday gikan sa imong lola. Nagpahinumdom kanimo ang imong mama sa pagpadala kaniya og mubo nga sulat sa pasalamat, apan gusto nimo nga padad-an hinoon siya og e-mail. Unsa ang imong buhaton?

1. Padad-an si Lola og e-mail.

2. Padad-an siya og mubo nga sulat.

2 Si Mary nag-e-mail kanimo sa pagdapit nimo sa iyang birthday party. Gusto nimo nga ipadala ang mensahe sa e-mail ngadto sa imong suod nga higala, si Sarah. Unsa ang kinahanglan nimo nga buhaton?

1. Ipadala ang e-mail ngadto ni Sarah aron siya masayud usab mahitungod sa party.

2. Tipigi ang e-mail sa imong kaugalingon.

3Panahon na alang sa family home evening. Gusto ka nga magpadayon og dula sa imong computer game hangtud ang leksyon magsugod. Unsa ang imong buhaton?

1. Humna ang imong dula samtang ang imong pamilya nagkanta sa pambukas nga awit.

2. Pagnga ang computer, ug kanta uban sa imong pamilya.

4Gihatagan ka og bag-o nga cell phone sa imong ginikanan alang sa mga emerhensya. Gusto nimong tawgon ang imong mga higala aron ang uban nga mga bata sa eskwelahan makakita sa imong cell phone. Unsa ang imong buhaton?

1. Maghimo og dinalian nga mga tawag, aron lamang sa pagpanghambug sa imong bag-o nga cell phone.

2. Tagoan ang imong cell phone diha sa imong backpack.

5Ang imong higala nga si Cristina gusto nga makigdula og football uban nimo, apan nianang higayona nagpadala ka og mensahe sa imong higala nga si Jacob. Unsa ang imong buhaton?

1. Sultihan si Cristina nga makigdula ka kaniya ugma aron makapadayon ka og sulat ngadto ni Jacob.

2. Sultihan nimo si Jacob nga mosulat ka kaniya unya aron ka makadula og football uban ni Cristina.

Gitubag ba nimo og a ang bisan hain sa mga pangutana? Kon mao, susiha kini nga mga ideya aron sa pagpalambo sa imong mga e-manner.

1. Ang e-mail mao ang labing dali nga paagi sa pagpakigsulti, apan ang paghatag og panahon aron sa pagpadala og usa ka mubo nga sulat sa pasalamat mopakita sa imong lola giunsa nimo siya paghigugma ug pagdayeg sa iyang regalo. Mahimo usab nimo siyang tawagan sa pagpasalamat kaniya.

2. Ang pagpadala og e-mail sa usa ka higala ngadto sa lain sama ra sa pagsulti og usa ka sekreto. Kon nagpadala og mensahe ang imong higala kanimo kana alang nimo ra gayud, tipigi kana nga mensahe sa imong kaugalingon. Niana ang pagbati ni Sarah dili masakitan kon siya wala usab dapita ngadto sa party.

3. Ang mga dula sa computer makalingaw, apan ang family home evening importante. Apil sa pambukas nga awit, ug itagana ang dula sa computer inig kahuman.

4. Kon gipalitan ka og cell phone sa imong mga ginikanan alang sa mga emerhensya, kinahanglan dili nimo gamiton kini sa pagtawag og mga higala. Usab, ang uban nga mga bata tingali og lainan kon imo kining ipanghambug.

5. Nindot ang pagpakigsulti ngadto sa mga higala kinsa wala diha uban kanimo, apan mas maayo ang paggahin og panahon sa mga higala sa personal. Sulayi ang pag-limit sa imong panahon sa computer aron ikaw personal nga makagahin og panahon uban sa mga higala.

Paghulagway sa litrato pinaagi ni John Luke