Pagkat-on mahitungod sa Ebanghelyo

Neeteti T. Raabaua, Kiribati

Isip usa ka batan-on nga babaye ako gimatuto sa maayo ug talagsaon nga mga ginikanan diha sa usa ka yano nga panimalay uban sa akong upat ka mga igsoon. Gihigugma kami sa among mga ginikanan, ug gihigugma usab namo sila. Gusto nila ang labing maayo alang kanamong tanan, bisan pa og dili sila makapalit sa tanan namong gusto. Mitrabaho sila og maayo aron kami malipay.

Sa dihang mas hingkod na ako, mibalhin ako aron sa pagtambong og eskwelahan sa Simbahan diha sa akong nasud, Kiribati. Gitambagan ako sa akong Papa sa pagkuha og maayo nga edukasyon aron ako makaangkon og usa ka maayo nga trabaho ug makatabang og suporta sa akong pamilya. Human makaeskwela sa eskwelahan sa Simbahan sa makadiyot, gibunyagan ako.

Usa sa unang mga butang nga akong gihimo isip usa ka miyembro sa Simbahan mao ang pagbasa sa Basahon ni Mormon. Ang pagbasa niini makatabang sa pagpalig-on sa akong pagpamatuod ni Propeta Joseph Smith. Nakat-unan nako nga kon ang Basahon ni Mormon mao ang pulong sa Dios, niana si Joseph Smith usa ka tinuod nga propeta sa Dios ug Ang Simbahan ni Jesukristo sa mga Santos sa Ulahing mga Adlaw mao ang tinuod nga Simbahan dinhi sa yuta. Mipakigbahin ako sa akong mga pagtuo uban sa akong pamilya, ug pipila ka mga tuig sa wala madugay ang akong inahan, igsoon nga lalaki, ug igsoon nga babaye nabunyagan.

Ang ebanghelyo ni Jesukristo nakapausab sa akong kinabuhi ug naghatag kanako sa tinguha sa pag-alagad sa Dios ug pagtabang niadto kinsa wala sa atong tinuohan. Mapasalamaton ako nga diha akoy oportunidad sa pag-alagad og usa ka misyon ug buhat sa pagdala og mga kalag ngadto sa Dios.