Mga Balita sa Templo

Bag-ong Templo Gipahibalo sa Utah

Si Presidente Thomas S. Monson mipahibalo niadtong Enero sa usa ka bag-ong templo nga tukuron sa Payson, Utah, USA. Ang templo makatabang nga masulbad ang nagtubo nga gidaghanon sa mga miyembro diha sa dapit ug makapagaan sa paggamit sa Templo sa Provo Utah, usa sa labing nagkapuliki nga templo sa Simbahan. Ang Templo sa Payson mao ang ika-15 sa Utah. Kini nakapaabut sa gidaghanon sa mga templo nga gigamit na o anaa sa ang-ang sa pagplano ug pagtukod ngadto sa 152.

Gipahinungod nga Templo sa Arizona

Usa ka open house alang sa Templo sa Gila Valley Arizona nahitabo gikan sa Abril 23, 2010, hangtud sa Mayo 15, 2010. Usa ka kultural nga pagsaulog ang gipahigayon niadtong Mayo 22, 2010. Ang pagpahinungod sa templo misunod niadtong Mayo 23, 2010, uban sa tulo ka sesyon sa pagpahinungod. Ang templo unang gipahibalo niadtong Abril 2008. Kini mao ang ikatulo nga templo sa estado sa Arizona diha sa Estados Unidos.

Templo sa Cebu Ipahinungod

Ang Templo sa Siyudad sa Cebu, Pilipinas pagaablihan ngadto sa publiko gikan sa Mayo 21, 2010 hangtud sa Hunyo 5, 2010. Usa ka kultural nga pagsaulog mosunod inig ka Hunyo 12. Ang pagpahinungod pagahimoon inig ka Hunyo 13, uban sa tulo ka mga sesyon nga isibya sa tibuok Pilipinas. Ang templo moabli inig ka sunod adlaw. Ang templo, gipahibalo niadtong Abril 18, 2006, mao ang ikaduha sa Pilipinas ug ang ika-133 nga gigamit nga templo sa kalibutan.