Wala Na Ako Kuyawi

Boris Antúnez, Chile

Padulong na kaming manghatag og mga pamphlet aron sa pagpangita og mga referral sa misyonaryo alang sa among stake youth conference nga kalihokan. Gibasa nako kanunay ang Alang sa Kalig-on sa mga Kabatan-onan. Sa diha nga misugod ang kalihokan, giitsa ko kini og balik ngadto sa lamesa diin nako kini makit-i. Apan ang hunahuna misantup ngari kanako nga kinahanglan dad-on kini nako. Busa gipunit ko kini ug gibutang sa akong mga kasulatan.

Gikuyawan kaming tanan sa pagpakigsulti ngadto sa mga dili kaila mahitungod sa ebanghelyo, apan sa diha nga kami mihunong sa pagsulti ngadto sa usa ka babaye nga nanghayhay sa linabhan diha sa iyang nataran, mahigalaon kaayo siya ug midawat og usa sa among mga pamphlet. Sa panahon sa panagsinultihanay misulti siya kanamo mahitungod sa iyang mga kabalaka alang sa iyang pamilya. Usa ka pihong anak nga lalaki nakigbisog sa druga ug uban nga mga problema. Gihimo namo ang labing maayo sa paghupay kaniya, dayon mipadayon.

Pipila ka mga minutos wala madugay akong giablihan ang akong mga kasulatan. Sa diha nga akong nakita ang akong Alang sa Kalig-on sa Kabatan-onan nga pamphlet, nahinumduman nako unsa ang gisulti sa babaye mahitungod sa iyang anak nga lalaki ug mibati nga kinahanglan akong mobalik. Wala na ako kuyawi.

Among nakita ang babaye nga diha gihapon sa gawas. Gisultihan ko siya nga aduna akoy usa ka butang nga tingali magustuhan niya. Gipasabut nako ang mahitungod sa mga sumbanan sa atong kabatan-onan ug gihatag kaniya ang pamphlet aron basahon uban sa iyang anak nga lalaki. Makasulti ako nga kini nakapalipay kaniya. Gitawag niya ang iyang anak nga lalaki ngadto sa gawas, ug nakahimo kami og pakigsabut alang kanilang duha uban sa mga misyonaryo.

Ako mibati nga sama na sa usa ka misyonaryo! Nindot kaayo nga makabaton og oportunidad sa pagtudlo ug tingali motabang niining batan-on nga lalaki. Nasayud ako nga ang Espiritu Santo mao kinsa ang misulti kanako nga dad-on ko kana nga pamphlet.