Na Vosa Kaburaki kei na Vidio me tekivu mai na 1971. Sa vakaikuritaki yani ena tabana e maroroi kina na iTukutuku ni Koniferedi
Ena dua na sasaga me ra vukei kina na lewenilotu me ra raica vakavinaka cake kina na ivakasala mai vei ira na parofita kei na iapositolo lomani ni veigauna sa oti kei ira ena gauna oqo, sa vakuria tiko na Lotu ki na iwasewase ni koniferedi raraba ena LDS.org. na itukutuku kaburaki eso kei na vidio.
Ena June ni 2012, sa na tu ena initaneti ni maroroi itukutuku Vakavalagi na itukutuku kaburaki kei na vidio ni veikoniferedi yadua me tekivu ena Epereli ni 1971 ki na gauna oqo. Ena veigauna e liu, na itukutuku walega ni veikoniferedi me tekivu mai na 1971 era dau tu; na vidio Vakavalagi e yacova walega na 2002. Vakatalega kina ena June ni 2012, sa na vakarautaka na Lotu na ivakarau vakaitukutuku kaburaki kei na vidio ni vosa eso ena koniferedi me yacova yani na 2008 ena 70 tale na vosa.
“Na iwiliiwili levu cake ni lewenilotu era dau lakova na iwasewase ni koniferedi raraba ena LDS.org me ra wilika, sarava, ka vakarorogo ki na vosa ni iotioti ni koniferedi, e vuqa talega na lewenilotu era taleitaka me ra raica na veikoniferedi sa oti,” e kaya o Elder Patrick Kearon mai na Vitusagavulu. “Na inaki ni sasaga oqo me vakarawarawataki cake na kena yacovi na itukutuku ni koniferedi vei ira na lewe ni Lotu e vuravura raraba.”
Na Lotu e sa vakuria tale tikoga ena tabana ni maroroi itukutuku ni koniferedi na sere kei na ivakatagi. Ena gauna oqo, e rawa ni ra vakarorogo na lewenilotu ki na Mormon Tabernacle Choir ni ra lagasere me yacova yani na 2008 ena nodra kiliki ena Show Music ena ulu ni iwasewase yadua ni koniferedi ena LDS.org. E dua na imamaroroi vou ni sere kei na ivakatagi (GCmusic.lds.org) e rawa kina ni da vaqaqara ena vica na imamaroroi kei na koniferedi.
Sa tu na ituvatuva me rawa ni curumi kina na imamaroroi sega walega mai na LDS.org ia vakatalega kina mai na veika vakayagataki dau veikauyaki ni Lotu, me vaka na Gospel Library, kei na misini tale eso, oka kina na Mormon Channel ena Roku kei na YouTube.
Na ivakatagi mai na veisoqoni ni koniferedi me yacova yani na 2008 sa na rawa ni vakarogoci ena gauna oqo se lavetaki mai na GCmusic.lds.org.