Era Kacivaka na Qaqa ena Vakaraitaki Cakacakaniliga ni Veivanua, Sa Dola na Vakaraitaki Cakacakaniliga

Ena Vakaraubuka, 16 ni Maji, 2012, ena kena dolavi na iKaciwa ni Veisisivi Vakaraitaki Cakacakaniliga, o ira na kenadau mai na veiyasai vuravura era soqoni me ra ciqoma na nodra icovi ni cakacakaniliga vakaiulutaga ni YDE.

A soli na iCovi ni Cakacaka Uasivi vei iratou e 20 na kenadau na cakacakaniliga ka laurai ni “daumaka,” ka ratou rawata e 15 tale na iCovi ni Volitaki, kena ibalebale ni sa volia na Valeniyaya Makawa ni iTukutuku ni Lotu, o koya e cicivaka na veisisivi na cakacakaniliga oya me nona.

A tiko kina o Elder Marlin K. Jensen ena Vitusagavulu, Daunitukutuku Makawa ni Lotu ka Dauvolaitukutuku, ka vosa kina vakalekaleka ni bera na soli icovi.

A tekivu ena 16 ni Maji, 2012 na vakaraitaki cakacakaniliga, ka lako tiko me yacova na 14 ni Okotova, 2012, ena Valeniyaya Makawa ni iTukutuku ni Lotu e Salt Lake City mai Utah e Amerika.

Na veisisivi ni yabaki oqo, Vakaraitaka me Kilai na Nona Cakacaka Talei (V&V 65:4), era curu kina e 1,149 mai na veiyasai vuravura ena ivakarau duidui eso, ka oka kina na ceuceu, na talitali kei na mataqali cakaisulu tale eso, cakacakaniliga ena pepa, kei na droini. Ena vakaraitaka na valeniyaya makawa e 198 na cakacakaniliga.

Me vaka na ka e tukuna o Rita R. Wright, na iVakatawa ni Cakacakaniliga kei na Tulituli ena valeniyaya makawa, era na vakatulewataki na cakacaka kece me vaka na maqosa ni kedra caka kei na kena voleka ki na ulutaga. Na cakacaka era vakaraitaka na ivakarau duidui kei na ivalavala vakavanua era vakadinadinataka na vakasakiti ni nona cakacaka na Turaga, e kaya kina, ka dau vakayagataka na ivakaraitaki me veimataki ka veidusimaki.

Me vakaoqo, na kai Ukraine o Valentyna Musiienko’s mai na Valetabu e Kyiv Ukraine ka a rawata e dua na iCovi ni Volitaki, e cakava tale ena pepa rokataki eso na ivakatakarakara era tu ena valetabu.

O Brandon Daniel Hearty—ka rawata e dua na iCovi ni Cakacaka Uasivi mai Alberta e Canada—e vakayagataka e dua na iyaloyalo caka ena waiwai kei buna vakarua (Matriarch) me matataka na volakawa kei na veisemati ni veitabatamata.

O Alexandra Gomez Chaves, mai Bogotá, Colombia, e kaya ni veisisivi e dua na sala me wasei kina na ivakadinadina. A bulia na nona cakacaka ka rawata e dua na iCovi ni Cakacaka Uasivi, Na Wai Bula, ena veivuke nei tinana, ka leqa ni voleka sara toka ga me dola na vakaraitaki cakacakaniliga.

“O ira na tamata era raica na cakacakaniliga oqo … era na raica na ivakadinadina ni o Jisu Karisito kei na Nona kosipeli era ivurevure ni wai ni bula,” e kaya o koya. “Ena cakacaka oqo, era na raica ni loloma kece e rawa ni vakavuvulitaka e dua na tina vei ira na luvena baleta ni tina oqo e taura na tavaya ka vakavulica na luvena me vakavulica na kosipeli.”

E sega ni saumi na icurucuru ni vakaraitaki ka, ka ra vakauqeti na petereni me ra kauti ira mai na nodra matavuvale. Era na digitaka na cakacaka era taleitaka duadua, ka na soli ena vula o Sepiteba e ono na iCovi ni Nodra Digidigi na Vulagi, ka na yavutaki ena nodra digidigi na petereni.

Ena dua na gauna ga oqo, sa na rawa vei keda me da sarava na veivakatarogi kei iratou e 11 na daucakacakaniliga era na vakaitavi tiko ena veisisivi ena mataveilawa ni Lotu ena vosa Vakavalagi. Ena vakaraitaki talega ena valeniyaya makawa na vidio.

Eratou sa nakita tale tikoga na Valeniyaya Makawa ni iTukutuku Lotu e dua na vakaraitaki cakacaka ena initaneti ena history.lds.org/artcompetition.

Me baleta eso tale na itukutuku ni vakaraitaki cakacaka, sikova na history.lds.org se qirita na 801-240-4615.

Au na vakauta na Nodra Vosa ki Liu (Jekope na Qasenivuli), mai vei Elspeth Caitlin Young, Amerika

Cakacakaniliga iloloma ni Valeniyaya Makawa ni iTukutuku Lotu

Na Liga Veilaveti, mai vei Joumana Borderie, Lebanon

Cakacakaniliga iloloma ni Valeniyaya Makawa ni iTukutuku Lotu