Elder Scott D. Whiting

Ena Vitusagavulu

E vakabauta o Elder Scott Duane Whiting ni nona madigi ena nona gauna ni bula me rawa ni veiqaravi vua na Kalou e yavutaki ena vica na vakatulewa lelevu.

A sucu ena Epereli 1961 vei Duane kei Beverly Whiting, a tubu cake o Elder Whiting mai Salt Lake City, Utah e Amerika. E vakila ni imatai ni nona vakatulewa levu me laki kaulotu, ka muria sara ga mai na nona vakatulewataka na balavu ni gauna me kaulotu kina. Ena vuku ni veika e sotavi tiko ena gauna oya, sa tu vei Elder Whiting na galala me digitaka me veiqaravi ena loma ni 18 na vula se rua na yabaki. “Na noqu lewa me toso tale ena ono na vula na noqu veiqaravi a bibi sara ena noqu vakarautaki ki na gauna ni veiqaravi mai muri ena Lotu,” e kaya o koya.

Ni oti na nona veiqaravi ena Tabana ni Kaulotu na Japan Tokyo North, a sotava kina na marama me na qai watina, o Jeri Olson, mai vua e dua na nona itokani. Na digidigi me vakamautaki koya sa dua na vakatulewa bibi sara. Erau a vauci ena Valetabu mai Salt Lake ena Epereli ni 1984.

Ni vakacavara na koroi ni bejila ena veika vaka-Japani mai na Brigham Young University, a qai rawata e muri o Elder Whiting e dua na koroi ni doketa ena vakataulewa mai na McGeorge School of Law ena University of the Pacific.

E dua tale na vakatulewa levu a cakava o Elder Whiting na nona ciqoma na veikacivi, a mai vakadewataka o Elder M. Russell Ballard ena Kuoramu ni iApositolo Le Tinikarua, me veiqaravi vaka-Bisopi. A kerei koya o Elder Ballard me qarava vakavinaka na nona itavi. A yalayala vua na iApositolo, e dina ni vuqa na cakacaka vinaka sara a mai soli vua ka na gadrevi beka kina me toki, a rokova tikoga o Elder Whiting na nona yalayala.

Na nona veiqaravi a vukea na nona tara cake e dua na yalo e gadreva me dau “lako yani ki na nodra veivale na lewenilotu luluqa ka vukei ira ena kena vakavoui se caka na veiyalayalati vua na Kalou.”

E lima na luvedrau na Whitings. Ni bera ni kacivi ki na iMatai ni Kuoramu ni Vitusagavulu, a cakacaka voli ena dua na kabani ni volitaki iyauqaqa mai Awai. Sa veiqaravi oti o Elder Whiting vakaperesitedi ni kuoramu ni italatala qase, bisopi, lewe ni matabose e cake, peresitedi ni Cauravou, peresitedi ni iteki, ka Vitusagavulu ni iWasewase.