iVakavuvuli ni Noda Gauna

Na lesoni ni Matabete i Melikiseteki kei na iSoqosoqo ni Veivukei ena ikava ni Sigatabu ena tauri mai na “iVakavuvuli ni Noda Gauna.” Na lesoni yadua e rawa ni vakarautaki mai na dua se sivia na vosa ena koniferedi raraba se qai oti ga (raica na ivolakabi e ra). Me ra na digitaka na peresitedi ni iteki kei na tikina na vosa me na vakayagataki, se e rawa ni ra lesia na itavi oqori vei ira na bisopi kei na peresitedi ni tabana. Era sa vakabibitaka na veiliutaki na yaga ni nodra dau vulica vata e dua na vosa na turaga ena Matabete i Melikiseteki kei na marama ena iSoqosoqo ni Veivukei ena dua na Sigatabu.

Era sa vakauqeti o ira era na tiko rawa ena lesoni ni ikava ni Sigatabu me ra vulica ka kauta mai ki na kalasi na ilavelave ni mekasini ni koniferedi raraba ka se qai oti wale ga oqo.

Vakatutu ni kena Vakarautaki na Lesoni mai na Vosa

Masulaka me tiko vata kei iko na Yalo Tabu ena nomu vulica ka vakatavulica na vosa. E rawa ni o temaki ena nomu vakarautaka tiko na lesoni mo vakayagataka eso tale na iyaya, ia na lewenivuli ga sa vakadonui, o ya na vosa mai na koniferedi. Na nomu ilesilesi sa ikoya mo vukei ira eso me ra vulica ka bulataka na kosipeli me vaka a vakatavulici ena koniferedi raraba ni Lotu ka se qai oti wale ga oqo.

Raica lesu na vosa, vakasaqara na veivakavuvuli kei na ivunau ka na sotava na nodra gagadre na lewe ni kalasi. Vakasaqara tale ga na italanoa, tiki ni ivolanikalou, kei na itukutuku mai na vosa ka na vukea na nomu vakatavulica na dina ka ra tukuni tiko oqo.

Cakava e dua na ituvatuva mo na vakavulica rawa kina na ivakavuvuli kei na ivunau. Na nomu ituvatuva e dodonu me okati kina na taro ena vukei ira na lewe ni kalasi mera:

Vakasaqara na ivakavuvuli kei na ivunau e tiko ena vosa.
Vakasamataka na kedra ibalebale.
Wasea na kila, vakasama, veika e sotavi, kei na ivakadinadina.
Vakayagataka na ivakavuvuli kei na ivunau oqo ena nodra bula.

Na Vula Era Vakavuvulitaki Kina Na Lesoni	iYaragi Ni Lesoni ena iKava Ni Sigatabu
Epereli 2012–Okotova 2012	Vosa ena koniferedi raraba ni Epereli 2012*
Okotova 2012–Epereli 2013	Vosa ena koniferedi raraba ni Okotova 2012*