Ripote mai na Tabacakacaka ni Dikevifika ni Lotu, 2011
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Veitacini: Me vaka e tukuni mai na ivakatakila ena ika 120 ni iwase ni Vunau kei na Veiyalayalati, me dau vakadonuya na Matabose ni Vakayagataki iKatini na kena vakayagataki na ilavo ni Lotu. Na matabose oqo eratou lewena na Mataveiliutaki Taumada, na Kuoramu ni iApositolo Le Tinikarua, kei na Matabisopi Vakatulewa.
Na matabose oqo e dau vakadonuya na ilavo vakarau ni veitabacakacaka ena Lotu, na veicakacaka, ka vakakina na ilavo e dau soli vei ira na veitabanilotu. Na veitabana ni Lotu era dau vakayagataka na ilavo sa vakadonui mai na ilavovakarau ka sala vata kei na lawatu kei na kena ivakarau ena Lotu.
Sa soli tu ki na Tabacakacaka ni Dikevifika ni Lotu na veivakadonui me curuma na veivolatukutuku kei na ivakarau kece sara e ganita me dikeva kina na kena sa lewai tiko vakamatau na ciqomi ni ilavo, vakayagataki, kei na taqomaki ni iyau ni Lotu. E tu vakataki koya na Tabacakacaka ni Dikevifika ni Lotu mai na veitabacakacaka kei na cakacaka kece tale ni Lotu, kei ira na kena vakailesilesi ka ra oka kina na daunifika raraba vakaivola, daudikevifika vakaivola, kei ira na daudikevifika ena komipiuta vakaivola, kei ira tale eso na kenadau vakaivola.
Ni vakayavutaki mai na veidikevifika sa vakayacori, eratou sa lewa kina na Tabacakacaka ni Dikevifika ni Lotu, ni veiyauqaqa kece, na cau e ciqomi, na vakayagataki ilavo e vakayacori, kei na iyau ni Lotu ena yabaki 2011 era sa volaitukutukutaki ka vakayagataki ena iwalewale veiganiti kaya na vakayagataki ilavo, na ilavovakarau sa vakadonui, kei na lawatu kei na kena iwalewale ena Lotu.
Soli yani ena vakarokoroko,
Tabacakacaka ni Dikevifika ni Lotu
Robert W. Cantwell
Manidia Dairekita