Na Veituberi ni Veiliutaki ni Veimataisoqosoqo ena Initaneti Vakavalagi kei na Vakasipeni

Me vukei ira na iliuliu me ra vulica na nodra itavi ka vakatakila mai na ivurevure eso e rawa ni vakayagataki ena veituberi ni veiliutaki vei ira na matabete kei na mataisoqosoqo, na mataveiliutaki raraba ni va na mataisoqosoqo ni Lotu era a vakayaco veituberi vei ira na veiliutaki ni mataisoqosoqo ena iteki kei na tabanalevu ena mua ni vula o Maji. (Na veituberi me baleti ira na veiliutaki ni Cauravou ena vakayacori ena ika 10 ni Me). Na webikasi, ruarua o koya e caka bulabula kei na kena e kerei yani, a vakarautaki se ena vakarautaki me baleta na mataisoqosoqo limalima ena Vakavalagi kei na Vakasipeni. Sa vakarautaki eke e dua ni ivakaleka ni va na soqoni ni veituberi ka a vakayacori ena Maji me baleti ira e sega vei ira na initaneti.

Lalai

Na inaki ni Lalai me vukei ira na gonelalai ena sala ni saumaki mai, e kaya o Rosemary M. Wixom, na peresitedi raraba ni Lalai ena veituberi ni mataisoqosoqo me baleti ira na veiliutaki ni Lalai ena ika 28–29 ni Maji.

“Eda vinakati [ira na gone ena Lalai] me ra vakila, me ra loloma, me ra cakacakataka,” e kaya o koya. “Eda vinakata me dua na nodra ivakadinadina. … Na ivakadinadina e kena ibalebale me tukuni yani. Eda vinakata me da kalawa tale yani ki liu. Na saumaki e kena ibalebale na cakacaka. Eda vinakati ira na gone oqo me tu vei ira ka ra vakila na sorenikau ni saumaki mai ena nodra bula.”

Eratou kaya o Sisita Wixom kei rau na nona daunivakasala, o Jean A. Stevens kei Cheryl A. Esplin, vei ira na veiliutaki ni Lalai ena tabanalevu kei na iteki ni rawa me ra vukei ira na itubutubu ena kena teivaki na sorenikau ni saumaki mai. E kaya o Sisita Wixom ni iwalewale ni saumaki mai e tekivu ena dua na yabaki gone sara. “E tekivu sara ga mai vale, na vanua erau lomana kina na Turaga na tubutubu ena yalodrau taucoko, ena nodra kaukauwa kecega, kei na nodrau igu taucoko. Oti me ra qai vakavulici ira na luvedra.”

E kaya ni ra na kila na gone na ibalebale ni saumaki “kevaka walega eda vakarautaka na gauna me da vakavulici ira.” E vakuria, kevaka era sega ni vakavulici ira na itubutubu kei ira na veiliutaki ena Lalai, “ena vakayacora o vuravura.”

Era vakaitavi talega na lewe ni matabose ni Lalai ena vakayagataki ni ivakatagi kei na sere me vakavuvulitaki kina na ivakavuvuli ni kosipeli ka vakakina ena ivurevure me baleti ira na veiliutaki ena Lalai ka kunei ena LDS.org.

iSoqosoqo ni Veivukei

“O liutaka tiko e dua na cakacaka cecere!” A tukuna o Julie B. Beck, ka a vagalalataki ena nona itutu vakaperesitedi raraba ni iSoqosoqo ni Veivukei ena soqoni ni koniferedi ena yakavi ni Vakarauwai, ena dua na soqoni ni veituberi ni veiliutaki vei ira na iliuliu ni iSoqosoqo ni Veivukei ena ika 27 kei na 28 ni Maji. “Oqo na cakacaka ni Turaga. … E dua na noda itavi bibi sara.”

A vosa o Sisita Beck ena vuqa na ulutaga, oka kina na inaki ni iSoqosoqo ni Veivukei, na itavi bibi e nodra na marama ena nodra matavuvale, na veivakavulici (vakauasivi o ira na marama lewe ni Lotu vou), na cakacaka vata vakomiti, kei na ivakavuvuli ni veiliutaki.

Toka ga ena kena ivakavuvuli taumada, e kaya o Sisita Beck. “E cakacaka rawarawa sara, ena qai vakabasikata mai na Turaga na kena vakasama. Kevaka eda vakasamataka tiko na veika e dodonu me da cakava, ena vukei keda o Koya me da toso mai na ivakatakila ki na kena cakacakataki. Eda na ciqoma na ivakatakila ni da toso tiko.”

Ena nodra veivakavulici, eratou vakanamata tiko na mataveiliutaki kei ira na lewe ni matabose raraba ena vaqarai ni isau ni taro ena iVoladusidusi 2: Veiliutaki ena Lotu ka vakakina ena Luvequ Yalewa ena Noqu Matanitu: Na iTukutuku kei na Cakacaka ni iSoqosoqo ni Veivukei.

Matawilivola ni Sigatabu

Na Leadership Training Library, e dua na tikina vou ena LDS.org, e dua na ulutaga rabailevu ena soqoni ni veituberi ni isoqosoqo ni Wilivola ni Sigatabu ena ika 28 ni Maji.

A vakaraitaki eso na tiki ni vidio lalai mai na library me tokona na veivosaki ni va na ulutaga lelevu ka tuva o Russell T. Osguthorpe, na peresitedi raraba ni iSoqosoqo ni Veivukei ena soqoni:

• Na nona itavi e dua na iliuliu ni Wilivola ni Sigatabu.

• Na sala me ra vukei kina eso me ra kila na itavi ni mataveiliutaki ni Wilivola ni Sigatabu ena kena vakavinakataki na veivakavulici ena mataisoqosoqo kece ni tabanalevu kei na iteki.

• Na ivakarau me da dau veitalanoa vata kina vakavinaka cake vakamataveiliutaki.

• Na ivakarau me ra vakaveikilaitaki kina na qasenivuli ka vakarautaki na veitokoni yaga ka na tomani tikoga.

“O ni na raica ni Leadership Training Library, e dua na iyaya bibi duadua sara e tu vei iko me veivuke ena nodra tuberi na lewe ni mataisoqosoqo tale eso kei na Wilivola ni Sigatabu ena nodra itavi,” e kaya o David M. McConkie, imatai ni daunivakasala ena mataveiliutaki raraba ni Wilivola ni Sigatabu. “Era a vakarautaka na library na veimataisoqosoqo kece sara ena Lotu, mai vei ira na Vitusagavulu, [ka vakakina] mai vei ira na Kuoramu ni iApositolo Le Tinikarua. Oqo e dua na cakacaka sa cicivaki tiko mai ena vuqa na yabaki, ka robota yani e vuqa na veivanua lelevu.”

E rawa ni da curuma yani na library ena LDS.org ena noda kiliki mada ena Menu ena tabana ni nomu itikotiko oti qai kiliki ena isema ni Leadership Training Library ena iyatu ni Service.

Goneyalewa

“E sega ni se veisau na ivakatagedegede, ia o vuravura sa veisau,” e kaya o Elaine S. Dalton, peresitedi raraba ni Goneyalewa, ena soqoni ni veituberi ni Goneyalewa ena ika 27 kei na 28 ni Maji. E vakayaloqaqataki ira na veiliutaki me ra “veisautaka na vuravura” ena nodra ivakaraitaki vinaka ni kena bulataki ena dua na bula ivalavala dodonu.

Na nomu ilesilesi e sega ni ka vakacala ka,” e kaya o koya. “Na kemu irairai, isulusulu, kei na nomu matadredre ena tarai ira na goneyalewa oqo … na nomu tiko wale ga vata kei ira ka vakavulica vei ira na reki ni ra marama ka bulataka tiko na kosipeli. … Me da rakorako. Me da gugumatua. E dodonu me da veivakavulici ena noda ivakaraitaki kei na loloma levu.”

Erau a vosa na daunivakasala ena mataveiliutaki raraba ni Goneyalewa, o Mary N. Cook kei Ann M. Dibb, me baleta na kena “soli vei ira na iSakisaki me ra veiliutaki.” Erau vakayagataka na daunivakasala na keba ni Goneyalewa—ka marautaka tiko na ika 100 ni kena yabaki ena yabaki oqo—me ivakaraitaki ni kena madigi me soli kina vei ira na iSakisaki me ra veiliutaki, ia erau kaya ni dau basika na madigi e veigauna vei ira na veiliutaki me ra solia na itavi, ka vakatara me ra vakaitavi na goneyalewa.

O ira na vakaitavi era vakanamata ki na veivurevure eso—mataveilawa, itukutuku volai, vidio, ivolavakarau, kei na ivakadewa vakavoui ni Me iSakisaki ni iTabagone—ka ra tu me ra dau rai kina na veiliutaki me baleta na vakasama kei na veivuke.

Cau mai na iTukutuku ni Lotu

Na Leadership Training Library e dua na vanua a vakanamata kina na soqoni ni veituberi ni isoqosoqo ni Wilivola ni Sigatabu ka a vakayacori ena ika 28 ni Maji. Eratou a vakayacora na Wilivola ni Sigatabu, Lalai, kei na iSoqosoqo ni Veivukei na nodratou soqoni ni veituberi vakatamata sara ga ka vakakina ena Initaneti ni bera toka na koniferedi raraba ni Epereli. Ena vakayacori na veituberi ni isoqosoqo ni Cauravou ena ika 10 ni Me.