Tusigāmanatu Konafesi Aperila 2013

“O le mea ua fai atu ai A’u o le Alii, ua Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).

A o e iloiloina le konafesi aoao ia Aperila 2013, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.

Ina ia faitau, matamata, pe faalogologo foi i lauga o le konafesi aoao, asiasi ane i le conference.lds.org.

O Upu a Perofeta e uiga i Vaivaiga Faaletagata

“I lenei Ekalesia, o le mea ua tatou iloa o le a sili atu ona taua i taimi uma nai lo mea tatou te le o iloa. Ma ia manatua, i lenei lalolagi, ua ao lava ona savavali tagata uma i le faatuatua.

“O le mea lea ia agalelei ona o vaivaiga faaletagata—o ou vaivaiga faapea foi vaivaiga o i latou tou te galulue faatasi i se Ekalesia o loo taitaia e alii ma tamaitai e galulue fua. Vagana ai i le tulaga o Lona Alo Pele e Toatasi e atoatoa, na o tagata lē atoatoa lava sa galue ai le Atua. Ai lava se faigata tele ia te Ia, ae na Ia taulimaina lava. E tatau foi la ia i tatou. …O le mea lea ia onosai ma agalelei ma loto faamagalo.”

Elder Jeffrey R. Holland o le Korama a Aposetolo e Toasefululua, “Le Alii e, Ua Ou Faatuatua,” Liahona, Me 2013, 94.

O Le Paia o le Faaipoipoga

“O le poloaiga ia fanafanau ma uluuluola ma ia tumu ai le lalolagi, o loo tumau pea e oo mai i le taimi nei. O le mea lea, o le faaipoipoga i le va o le tane ma se tamaitai o le alafua faatagaina lea, e ulufale mai ai agaga o le muai olaga i le olaga nei.O le faafitia atoatoa o feusuaiga a o lei faaipoipo ma le faamaoni a’ia’i i totonu o le faaipoipoga, e puipuia ai le paia a’ia’i o lenei alafua paia.”

Elder David A. Bednar o le Korama a Aposetolo e Toasefululua, “Matou Te Talitonu i le Nofomama,” Liahona, Me 2013, 42.

O Tali mo Oe

O konafesi taitasi, ua tuu atu ai e perofeta ma aposetolo ni tali mo ni fesili o ono i ai a tagata o le Ekalesia. Faaaoga lau lomiga o le konafesi pe asiasi i le conference.lds.org e saili ai tali i fesili nei:

• E faapefea ona tumau lo’u malosi pe a tauemuina a’u mo o’u talitonuga? Tagai ia Robert D. Hales, “Tutu Malolosi i Nofoaga Paia,” 48.

• O le a se mea e mafai ona ou faia pe afai o se tasi ou te alofa i ai o loo faia ni filifiliga leaga? Tagai Henry B. Eyring, “O Mai ia te Au,” 22; ma Richard G. Scott, “Mo Le Filemu i le Aiga,” 29.

• Aisea e taua tele ai le faaipoipoga i le va o se alii ma se tamaitai? Tagai David A. Bednar, “Matou Te Talitonu i le Nofomama,” 41; L. Whitney Clayton, “Faaipoipoga: Matau ma Aoao,” 83; ma L. Tom Perry, “O Le Usiusitai i le Tulafono o le Saolotoga Lea,” 86.

• O le a le faamoemoega o le perisitua? Tagai M. Russell Ballard, “O La’u Galuega ma Lo’u Mamalu Lenei,” 18.

• Aisea tatou te manaomia ai se lotu? Tagai Quentin L. Cook, “Filemu o le Tagata lava Ia: O Le Taui lea o le Amiotonu,” 32; ma D. Todd Christofferson, “Togiola,” 109.

• Tala mai le Konafesi