Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.

“O Le A La Le Mea e Sili Ai le Fale Tele ma le Ateatea?” itulau e 48: Faitau ma lou aiga le tusiga. Mafaufau e fesili ia te i latou pe na latou lagonaina le matamumuli e ola i tulaga faatonuina o le Ekalesia; e mafai ona e faasoa atu se taimi na e lagonaina ai lena mea ma se mea na e aoaoina ai. Ia talanoaina le eseesega i le va o le fai atu e te le mafai ona faia se mea e faatusatusa i le faapea atu e te lē faia se mea. E mafai ona mulimuli lou aiga i le filifili o mau e aoao atili ai i le auala e talafeuga ai le faitalia i le fuafuaga a le Atua: Mose 4:1–4; 2 Nifae 2:14–16, 22–27; Iosua 24:15; Mosaea 2:41; Mataupu Faavae ma Feagaiga 82:10; 130:20–21. E mafai ona e usuina le “Filifili Tau o Mea Tonu” (Viiga, nu. 149) po o se isi viiga e uiga i le faia o filifiliga lelei.

“Tusi Ia Sa’o,” itulau e 64, ma le “Sa Ou Filifilia le Mea Sa’o,” itulau e 71: Mafaufau e faasoa atu pe na faapefea ona saili uma e Kara ma Ekene i nei tala ni auala e tutu atu ai mo le upumoni. E mafai ona outou talanoaina le uiga o le “tutu o ni molimau a le Atua” (Mosaea 18:9). Mafaufau i ni auala e faasoa atu ai lau molimau ma faia se fuafuaga e fai ai i lenei vaiaso.Mo se gaoioiga, e mafai e lou aiga ona faitau pe toe iloilo ia tala o tusitusiga paia i se mea sa tu ai se tasi e avea o se molimau a le Atua; ona faatino lea o tagata i totonu o tala. O nisi o manatu mo tala e aofia ai Tanielu ma ana uo ia na mumusu e taumamafa i meaai leaga (Tanielu 1), o Setefano o loo molimau atu ia Iesu Keriso (Galuega 6–7), ma Nifae o loo faamalosiau atu i ona uso e o e aumai ia papatusi (1 Nifae 3–4).

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.

Ata na pueina e Cody Bell