Aisea e amata avea ai alii talavou ma faiaoga o aiga pe a 14 o latou tausaga ae o tamaitai talavou e amata ona faiaoga asiasi pe a 18 o latou tausaga?

I se faaaliga na tuuina mai i le taimi na faatulagaina ai le Ekalesia i le 1830, na folafola mai e le Alii, “O le tiute o le aoao o le leoleo lea i luga o le ekalesia e le aunoa, ma faatasi ma faamalosi i latou” (MF&F 20:53). E ese mai i faiaoga o le Perisitua Arona, o lenei tiute e tausoaina e ositaulaga ma i latou o e umia le Perisitua Mekisateko (tagai i le MF&F 20:45–52). O le faiaoga o aiga o se tasi lea o auala e faataunuu ai lenei tiute e ala i le taliaina o tofiga patino mai taitai o le perisitua. O faiaoga asiasi, e ui e talitutusa, ae i ai se eseesega teisi i le faamoemoega, o loo tuuina atu ai se avanoa mo uso o le Aualofa e faamalosia ma aoao atu le tasi i le isi e ala i tofiga mai le au peresitene o le Aualofa (pe a faamaonia e le epikopo po o le peresitene o le paranesi). O le mea moni, e tatau i tamaitai talavou (aemaise lava au peresitene o vasega) ona taumafai e faamalolosia ma lagolago e le tasi i le tasi i auala eseese, ae e le tofia i latou e fai ni asiasiga i masina taitasi i ni tagata faapitoa.