O a fea e tatau ai ona ou amata totogiina ia taulaga anapogi ma faia isi foai?
Afai e i ai sau alatupe maua ma se loto naunau, e mafai ona e amatalia le foai atu o ni taulaga anapogi i soo se vaitausaga. O le mea moni, pe a maua sau tupe, ua poloaiina oe e le Alii e totogi le sefuluai o au tupe maua. E le gata i lea, “o le usitaia lelei o le aso anapogi e aofia ai …tuuina atu se taulaga anapogi ma le lima foai e fesoasoani ai ia i latou e le tagolima” (Mo le Malosi o le Autalavou [tamaitusi, 2001], 39). E le faapea a totogi e ou matua meaai a lou aiga ona le mafai lea ona fai sau oe lava saofaga pe a lagona le uunaiga pe a anapopogi lou aiga i masina taitasi. Ia manatua, e ui lava o loo e talavou, e tusa lava po o le a le aofaiga o le saofaga, o le mea e sili ona taua o loo e usitaia ia poloaiga a le Alii ma fesoasoani ai ma le le manatu faapito e faamanuia atu i isi. O le a faamanuiaina oe faapea foi ma isi e ala i lou ositaulaga. Ma afai e te lagona le musuia ma e mafai ona e faia lena mea, atonu e mafai foi ona e mafaufau e talatalanoa ma ou matua ma faia ni foai i nisi teugatupe a le Ekalesia i luga o le lisiti o le Sefuluai ma Isi Taulaga.