Sa Ou Filifilia le Mea Sa’o
Afai ou te musu e inu le uaina e mafai ona faasalaina au, ma e faapena foi lo’u aiga.
“Aoao i lou talavou e tausi i poloaiga a le Atua” (Alema 37:35).
Sa matou o ma lo’u aiga e asiasi i le nuu o ou matua mo le faamanatuina o le Tausaga Fou. Ua tolu tausaga talu mai lo matou asiasiga mulimuli, ma sa matou tulimatai atu e toe vaai i tagata o le aiga ma uo.Ina ua matou taunuu, sa faafeiloaia fiafia i matou.
Ina ua oo i le Vaeluaga o le Tausaga Fou, sa matou faatasitasi ma isi mo se sauniga masani e faamanuia ai le puipuiga, ola umi, ma le manuia i atalii ulumatua o aiga taitasi. O au o le atalii ulumatua i lo’u aiga. Sa ou iloaina o tagata uma lava o e auai i lea vaega o le a faamoemoe e inuina le uaina o se vaega o lea sauniga.
Na ou matuā popole lava. Na ou iloaina o le inuina o le uaina o le a solia ai le Upu o le Poto. Ae na ou iloa foi afai ou te le inuina le uaina, e ono faasalaina au ona o le le faaaloalo—ma e ono faasala ai foi ma lo’u aiga. Ona ou manatuaina lea o se mea na aoao ai au e lo’u tina: pe a e oo i se tulaga ua le mafai ona e taulimaina, e tatau ona e tatalo i le Tama Faalelagi ma ole atu ia te Ia e fesoasoani ia te oe.
Sa ou tatalo le leoa, “Tama Faalelagi, ia taialaina au e Lou Agaga ma fesoasoani mai ia te au e fai le mea sao.”
Ina ua oo i lo’u taimi ou te inu ai i le uaina, sa ou popole lava, ae sa ou tautala atu leotele ma le manino. “O lo’u tino o se malumalu. Ou te le solia le Upu o le Poto,” sa ou fai atu ai.
Na matuā tei lava le toeaina matua o le nuu. Sa liliu mai o ia ia te au ma faapea mai, “E foliga mautinoa lava lau mea lena o loo e faia. Faamolemole, matou te fia faalogo i nisi o ou manatu.”
Sa lei faasalaina au ma lo’u aiga, ma na faamalosia ai lo matou faatuatua. Ou te iloa na fesoasoani mai le Tama Faalelagi ia te au ia maua le lototele e filifili ai le mea sa’o.
Ata na tusia e Steve Kropp