Ua Oo Mai le Konafesi

Ua toe tulalata mai foi le konafesi aoao, o le taimi e faasoa mai ai e taitai o le Ekalesia i tagata le afioga a le Alii. E pei ona fetalai mai le Alii, “Pe i lo’u lava leo po o i le leo o a’u auauna, ua tutusa lava” (MF&F 1:38). O se aafiaga lenei mai le konafesi aoao ia Aperila 2013:

Konafesi i luga o le Sami i Kalilaia

Pe a ma le 60 tamaiti aoga mai le Iunivesite o Polika Iaga i le Nofoaga Autu i Ierusalema mo Suesuega e Latalata i Sasae na faapotopoto i le matafaga o le Sami o Kalilaia ia Aperila talu ai e maimoa i le sauniga o le taeao o le Aso Sa o le konafesi aoao. O se faasalalauga tuusao i le initoneti o le sauniga sa fana i luga o le pito o se tamai fale na tu e le mamao lava mai le sami. Sa i ai tamaiti aoga i Kalilaia o se vaega o se malaga e 10 aso i le itulagi. Sa latou iloaina ma talisapaia le taua o lea mea na tupu.

Sa saunoa Jennie Smithson, o se tasi o tamaitai aoga, e faapea o se mea e ofo ai “le aoaoina e perofeta ma aposetolo o aso e gata ai a o vaai faalemafaufau i aposetolo anamua o aoaoina i luga tonu o nei lava matafaga e Keriso lava Ia.”

Vaaiga mai le BYU Jerusalem Center.