Aumaia o le Peraimeri i le Fale
O Le a Ou Auauna atu i le Atua ma Lou Loto Atoa, ma Lou Manatu Atoa, Mafaufau, ma le Malosi
I se tasi aso i le malologa puupuu, sa vaai ai Madison i se teineitiiti o tagi ona sa fai e se tagata se upu le alofa ia te ia. Na lagona e Madison le faanoanoa mo le teineitiiti ma sa savali atu ma faamafanafana ia te ia. “E te manao ta te taaalo faatasi?” sa ia fesili atu ai i le teineitiiti.
O lena aso, sa auauna atu ai Madison ma lona loto i ai. Sa ia mulimuli i faataitaiga a Iesu Keriso ma na faaalia le alofa i se tasi o manaomia le fesoasoani. E mafai ona tatou faaali atu lo tatou alofa mo le Tama Faalelagi e ala i le auauna atu i isi i o tatou loto, lo tatou manatu atoa, o lo tatou mafaufau, ma lo tatou malosi. E mafai ona tatou auauna atu ma o tatou tagata atoa!
E faapefea ona tatou auauna atu ma o tatou loto? E mafai ona tatou auauna ma o tatou loto e ala i le faaalia o le alofa ma le agalelei i isi. Tatou te popole e uiga i manaoga o isi. Pe a tatou auauna atu ma le fiafia, ua tatou auauna atu ma o tatou loto.
E faapefea ona tatou auauna atu ma o tatou mafaufau? E mafai ona tatou auauna atu ma lo tatou mafaufau e ala i lou mafaufau i ni auala e fesoasoani ai i isi. Pe a tatou vaai i manaoga o i latou o siomia i tatou ma mafaufau e uiga i le mea e mafai ona tatou faia e fesoasoani, ua tatou auauna atu i o tatou mafaufau.
E faapefea ona tatou auauna atu i lo tatou manatu ma le malosi atoa? O le auauna atu i o tatou manatu ma le malosi atoa e mafai ona faataunuuina e ala i le faia o feau ma le galulue malosi e fesoasoani i isi. E masani lava ona tatou faamanuiaina ma auauna atu i tagata matutua i le faia o mea e faigata ia te i latou ona fai.
Agavale: ata na tusia e Greg Newbold; Taumatau: ata na tusia e Val Chadwick Bagley