O a ni tulaga manaomia o le malosi faaletino e auauna atu ai i se misiona?

O ni luitau ogaoga faaletino po o le tapulaa faafomai e mafai ona taofia ai nisi o tagata mai le faatinoina lelei o tiute faafaifeautalai ma e mafai ona le lelei ai foi le auaunaga a o latou soa. O na ituaiga tagata e masani ona le auauna atu faamisiona. Mo se faataitaiga, o i latou o e manaomia se nofoa faataavalevale po o ni tootoo po o le le mafai ona faatinoina ni galuega i aso taitasi e aunoa ma le fesoasoani a isi ua le fautuaina mo se auaunaga faafaifeautalai. Ma o le matuai ova o le puta e mafai ona mafua ai le i ai o se faafitauli ogaoga i auaunaga masani o se misiona, ma o lea e ono talosaga atu ai taitai perisitua i nisi o tagata e faapau ni pauna a o lei fautuaina atu i latou mo se auaunaga. E faatatau i le malosi atoa, o se tasi o taiala e ono faapea atu e tatau ona e savali pe a ma le ono maila (9 km) i se aso e aunoa ma se faafitauli.

Afai e i ai ni au fesili e uiga i soo se tasi o nei mataupu, e mafai ona tuu atu ia te oe e lau epikopo po o le peresitene o le paranesi ni tali ma se taitaiga.