O La Tatou Itulau

2013

Setema 2013

Anotusi
Anotusi
- Manatu mo Afiafi Faaleaiga
O Le Au Paia mo Vaitau Uma
- Sa Mafai ona Ou Faagalo Lo’u Faanoanoa
- Auauna atu i Vaitau Uma
Faalagolago o le Tagata Ia te Ia Lava
Tusigāmanatu Konafesi Aperila 2013
- Tala mai le Konafesi
E Tatau Ona Faaaogaina ma le Agavaa le Perisitua
E Lei Avaavau Mai Lava le Alii ia te Au
Name withheld
O Le A Le Uiga o Iesu ia i Tatou i Aso Nei?
David B. Haight
Tala Fou o le Ekalesia
O A’u Tatalo o le Lotofaafetai
Christie Skrinak
O Le Faamasinoga Tonu ma le Alofa Mutimutivale o le Atua
Jeffrey R. Holland
Alofa Mutimutivale FaaKeriso
Randy L. Daybell
E Faapefea ona Faamautuina Aoaoga Faavae?
E Manaomia e Alii Talavou o Aso Nei ni Faataitaiga Amiotonu
Hikari Loftus
Avea Pea o se Valaau Malosi
Richard M. Romney
O Leo o le Au Paia o Aso e Gata Ai
Matagaluega
- Ua Lava Lona Alofa Tunoa
  Brad Wilcox
Autalavou
Tamaiti
O Le Sauniga Faamanatuga Aupito Umi
Okon Edet Effiong
Atatosi o le Perofeta

O La Tatou Itulau

Setema 2013

O La Tatou Itulau

Ou te alofa tele i lo’u tina ma ou te fia fesoasoani ia te ia i le fufuluina o ipu. Ou te tatalo foi mo lo’u tama. Ou te iloa na fetalai mai le Tama Faalelagi ia i tatou, “Aua nei fasia se tagata, aua nei valaauina i ni igoa faatiga, ma aua nei fasia ia manu laiti.”

Ya-Se C., 4 tausaga, Taiuani

I le taimi o afiafi faaleaiga, ou te fia tuuina atu se mafaufauga faaleagaga ma fai se tatalo. Ou te fiafia i a’u uo o le Peraimeri, ma ou te fiafia i le faafaileleina ma le tausiga o lupe. Ou te fia alu i le Malumalu o Navu Ilinoi i se aso, ma ou te manao foi e avea o se faifeautalai. Ou te matuai alofa lava i lo’u aiga! Ou te iloa e moni le Ekalesia, ma ou te fiafia i le Tusi a Mamona.

Prince M., 9 tausaga, Filipaina

E faitauina e Prince ma lona tuafafine ia tusitusiga paia i le taimi o afiafi faaleaiga.

Macarena G., 8 tausaga, Chile

Manuia le Aso Fanau, saunia e James C., 5 tausaga, Peru

Ou te iloa o loo soifua Iesu Keriso, e alofa o Ia ia i tatou, ma e moni le Ekalesia. Ua aoao mai le tala i le laau o le ola afai tatou te mulimuli i le talalelei, e mafai ona tatou maua le fiafia.

Manuelis R., 5 tausaga, Venesuela

Sarah G., 6 tausaga, Kuatemala

Taumafai ia Avea Faapei o Iesu

Ina ua ou aluese mai le faletaalo o le aoga i se tasi aso, o au mea uma na i totonu o lau ato faafafa ua sasaaese, ma sa leai se meataalo sa i ai i totonu. Sa ou manatu ua ave e lau uo lau meataalo ona sa ia taumafai e faatau atu mai ia te au i le amataga o lena aso. Sa ou faanoanoa ona o lona uiga o le a ma le toe uo. I lena po sa ou tatalo ai lava po o ai lava ua aveina la’u meataalo o le a iloaina o se mea sese ma o le a toe faafoi maia ia te au. O le aso na sosoo ai i le aoga na toe faafoi mai ai e lau uo le meataalo ma sa ia talosagaina lou faamagaloga o ia ina ia mafai ona ma toe uo. Sa ou matuai fiafia lava, ma sa ou faamagalo ia te ia. Ou te faafetai i le fesoasoani a le Agaga Paia i la’u uo faapea ma au i le faia o le mea sao. Ou te iloa e mafai ona ou tatalo i le Tama Faalelagi i soo se taimi ma o le a Ia fesoasoani mai ia te au.

Brandon A., 8 tausaga, Mekisiko

I se tasi taimi sa ma o ai ma lo’u tina e ave o’u uso i le malaevaalele aua sa latou o i se malaga. Sa fetaiai i matou ma le poloka o le auala i taavale, ma sa ma popole nei misia e i laua le la vaalele. Sa lei lelei tele foi le faalogona a lou tina. O le taimi lena na ou tatalo ai, ma sa ou faatuatua o le a taliina mai. Sa mafai ona mauaina e ou uso le la vaalele! Ou te iloa sa faafofogaina e le Tama Faalelagi la’u tatalo.

Sara P., 11 tausa, Italia

Ina ua toe o se aso pe lua foi oo i lou papatisoga ma le faamauga, sa ou fiva ma sa matuai le lelei lava sou faalogona. Ou te lei manao e tolopo lo’u papatisoga. Sa ou lagona e tatau lava ona faataunuuina i le aso na atofaina. O le toatele o tagata o le aiga ma uo, o nisi e le o ni tagata o le Ekalesia, na o mai i lo’u papatisoga. Ina ua ou papatiso, na pau i lalo lou fiva ma mou ese atu, ma sa lelei ou faalogona. O lena aso sa matuai malosi lava lou lagonaina o le Agaga Paia. Ou te faafetai lava ona sa mafai ona ou papatiso ma maua le Agaga Paia.

Sara M., 8 tausaga, Sepania

E fiafia tamaiti Peraimeri o le Uarota a Monay, Siteki a Cuenca Ekuatoa, e aoao e uiga i le talalelei.

Ou te manatuaina pea le aso o lo’u papatisoga aua o le aso aupito sili lea ona taua o lo’u olaga. O le aso lena na ou osia ai se feagaiga ma le Tama Faalelagi. Ou te iloa o loo soifua le Tama Faalelagi ma Lona Alo o Iesu Keriso, ma la te alolofa tele ia te au. Ou te fiafia e alu i le malumalu, e ui lava e le o mafai ona ou ulu i ai i totonu i le taimi lenei.

Milton Aarón V., 10 tausaga, Ekuatoa

O Milton ma lona tama i le aso o lona papatisoga.