Ua Faafilemu e Iesu le Matagi

Saunia e Charlotte Mae Sheppard, Iuta, ISA

I se tasi aso ao folau Iesu ma Ona soo i se vaa, sa i ai se matagi matautia.

Na fafati mai galu. Na agi mai le savili. Na fefefe le au soo nei magoto le vaa.

Na saili e le au soo Iesu. Sa latou maua o Ia o moe. “Laveai i matou!” sa latou tagi mai.

“Aisea ua outou fefe ai?” O le fesili lea a Iesu.

Sa tulai i luga Iesu ma poloaiina le matagi e taofi. Na vaai le au soo a o taofia le fafati mai o galu ma ua le toe agi mai le savili. Ua leai se matagi, e pei lava ona poloaiina ai e Iesu.

O nisi taimi pe a tutupu mai ni mea taufaafefe, tatou te lagonaina le fefe. Ae o loo latalata mai Iesu. O le mafaufau ia te Ia e mafai ona fesoasoani tatou te lagona ai le saogalemu ma le toafimalie.

Ata na tusia e Scott Peck