Fa’ahorora’a nō te mau ’ā’amu o te ’āmuira’a

Teie te tāpura nō te mau ’ā’amu tei fa’ati’ahia i roto i te mau a’ora’a o te ’āmuira’a rahi, e nehenehe te reira e fa’a’ohipahia i roto i tā ’outou iho tuatāpapara’a, te purera’a pō ’utuāfare ’e te tahi atu mau ha’api’ira’a. E fa’a’itera’a te numera nō te ’api mātāmua o te a’ora’a.

Ta’ata a’o	’Ā’amu
Neil L. Andersen	(49) E ha’amaita’ihia te mau tamari’i ’e te feiā ’āpī ’ia toro te feiā pa’ari i te rima ia rātou ma te here, ’ia ha’api’i atu ia rātou i te ’evanelia ’e ’ia fāri’i maita’i ia rātou i te purera’a.
Mervyn B. Arnold	(53) Tē haere ra te metua vahine o Mervyn B. Arnold e fa’aora i te mau māmoe a te Metua i te Ao ra tei mo’e ’e tei pēpē. ’Ua pohe te taea’e o Elder Alejandro Patania, e ta’ata tautai, i ni’a i te moana i te tia’i-noa-ra’a te tauturu i roto i te vero. E 25 matahiti te hoa o Mervyn B. Arnold i te fa’ahoa-noa-ra’a-hia ē tomo mai nei i roto i te ’Ēkālesia. ’Ua tauturu te hō’ē ’episekōpo ’ia haere e fa’aora i e 21 feiā ’āpī tamāroa.
Linda K. Burton	(13) ’Ua ti’a mai te mau tuahine i te matahiti ra 1856 nō te tauturu i te feiā mo’a tei mau i roto i te mau ’āfa’a. ’Ua aupuru te hō’ē nā ta’ata fa’aipoipo i te hō’ē ’utuāfare tītīhoria. I tōna hunara’a, ’ua fa’ahanahanahia te hō’ē peresideni Sōtaiete Tauturu titi tahito nō tāna tāvinira’a ’e tōna here.
D. Todd Christofferson	(93) ’Ua hina’aro D. Todd Christofferson i tōna ’āpīra’a ’ia pe’e i te hi’ora’a o tōna metua tāne ha’avare ’ore. ’Ua pure te hō’ē metua tāne nō tāna tamaiti i te mau po’ipo’i ato’a nō tōna here iāna.
Quentin L. Cook	(97) ’Ua ’oa’oa te mau melo nō te misiōni nō Thailande Bangkok i te fa’aarara’ahia ē, e patuhia te hō’ē hiero i Thailande. ’Ua tā’atihia te hō’ē tamāhine i pohe i tōna ’utuāfare i muri mai tōna fāra’a i te vahine o te hō’ē melo o te mau hui mana fa’atere rahi i roto i te hiero. Noa atu te ’ārepurepura’a politita, ’ua onoono te peresideni Gordon B. Hinckley ’ia tu’uhia te ’ōfa’i tihi i te ha’amo’ara’a o te hiero nō Suva Fiti.
Kevin R. Duncan	(33) ’Ua matara mai te hō’ē hu’a rā’au mai roto mai i te manimani rima o Kevin R. Duncan i te tu’u-pinepine-ra’a ’oia i te rā’au pata ’e te tā’amu.
Mary R. Durham	(23) Tē ’au ra te hō’ē metua tāne ’e tāna tamāhine i ni’a i te tua nō te haere i te tahi atu pae o te roto ’e ’ua ’imi ’oia i te ha’amatara i tōna tia’a ’ia ’ore te reira ’ia fa’atomo ia rāua.
Cheryl A. Esplin	(6) Tē paraparau nei te hō’ē ta’ata a’o i roto i te hō’ē purera’a i te faufa’a rahi ’ia rōtahi i ni’a ia vetahi ’ē ’e ’ia tāvini ia rātou. Tē ha’api’i ra te hō’ē tamari’i i roto i te Paraimere ē, ’ua here Iesu iāna.
Henry B. Eyring	(19) Tē mata’u ra e piti melo nō te ’Ēkālesia ē, e riro tō rāua mau fifi ’e mau tāmatara’a i te upo’oti’a i ni’a i tō rāua fa’aro’o maori rā e ’apo fa’ahou mai rāua i te here o te Fa’aora ’e o Tāna ’Ēkālesia. (81) Tē māuiui nei Henry B. Eyring nō te hō’ē ’utuāfare tei ’ore i tā’atihia i roto i te hiero. Tē tia’i maoro nei te hō’ē vahine ’ivi tei tomo i roto i te ’Ēkālesia i te ora mure ’ore ’e tōna ’utuāfare.
Gerrit W. Gong	(108) Tē fa’aitoito ra te ta’ata fa’aineine o te pupu popo tāora i roto i te ’ete i te taure’are’a Gerrit W. Gong e tāmata i te tu’e popo. Hou ’a haere ai i te hiero, e tāmā te hō’ē ta’ata hāmani pereo’o i tōna nā rima nā roto i te hōroira’a i te mau merēti mā’a.
Robert D. Hales	(105) Tē fāri’i ra Robert D. Hales i te mau mana’o nō ’ō mai i te Vārua Maita’i i roto i tāna tāvinira’a i roto i te ’Ēkālesia ’e i roto i tōna orara’a.
Donald L. Hallstrom	(26) Tē pāpa’i ra te tamāhine ’āpī a Donald L. Hallstrom i roto i te hō’ē ’ohipa nō te ha’api’ira’a ē, ’ia pohe ’oia e pārahi ’oia i piha’i iho i te Metua i te Ao ra. Tē fa’ahiti ra te mau melo nō te fenua Liberia i te mau pāpa’ira’a mo’a ’e tē hīmene ra i te hīmene « ’Auē te pa’ari » ma te mana’o pāpū mau ’e te ta’a ’ē.
Paul V. Johnson	(121) ’Ua fa’aru’e mai te tamāhine a Paul V. Johnson, e ta’ata pa’ari, ma te ti’aturi i roto i te ora nō muri mai ’e te Ti’a-fa’ahou-ra’a.
Patrick Kearon	(111) ’Aita fa’ahou Patrick Kearon i riro mai te mātāmua ra, i tōna fa’aro’ora’a i te mau ’ā’amu nō te tītīhoria ’e te ’itera’a i te ’ohipa aupuru a te mau ta’ata e tauturu ra ia rātou.
Neill F. Marriott	(10) ’Ua fāri’i Neill F. Marriott i te aupuru nō roto mai i te māmā ruau ’āpī here o tāna tāne mōmo’a. Tē pāruru ra Neill F. Marriott i te ti’ara’a metua vahine i mua i te tahi vahine tei tāniuniu mai.
Jairo Mazzagardi	(56) ’Ei melo fa’afāriu ’āpī i roto i te ’Ēkālesia, ’ua ’imi haere Jairo Mazzagardi i te mau pāhonora’a i tāna mau uira’a nō ni’a i te Fa’aho’i-fa’ahou-ra’a, ’e ’ua ’itehia mai te reira.
Thomas S. Monson	(85) ’Ua fa’aue te tahi taea’e ti’amā tei mau i te autahu’ara’a, i te pahi fa’aora ’ia haere mai e fa’aora ia rātou ’e tōna pupu ta’ata i ni’a i te pa’epa’e.
Russell M. Nelson	(66) ’Ua tā’ati Russell M. Nelson i te hō’ē ’utuāfare i roto i te hiero i muri mai i te haerera’a mai e piti tamāhine tei pohe e tāparu iāna nā roto i te pāruru, ’e ’ua ti’amā mai tō rāua metua tāne ’e taea’e nō te tomo i roto i te hiero.
Dallin H. Oaks	(114) ’Ua fa’aruru Iosepha Semita i te pāto’ira’a ’a ’imi ai ’oia ’ia nene’i i te Buka a Moromona.
Bonnie L. Oscarson	(87) ’Ua ha’apāpū te Vārua Maita’i i te parau mau o te ’evanelia i te hō’ē metua vahine tei ma’i roa tāna tamaiti.
Stephen W. Owen	(70) Tē pa’i’uma ra Stephen W. Owen i te hō’ē mou’a nā ni’a i te pua’ahorofenua ’e ’ua ’ite ē, ’aita e fifi mai te peu e pe’e ’oia i tōna metua tāne. Tē ’oa’oa ra Stephen W. Owen i te ’ōperera’a i te ’ōro’a. ’Ua hōro’a te hō’ē taure’are’a tamāroa nō Niuterani i te hō’ē ha’amaita’ira’a autahu’ara’a i tōna metua vahine.
Ronald A. Rasband	(46) ’Ua riro te tere a Ronald A. Rasband i Pakistan ’ei « mahana ’auro » nō te feiā mo’a i reira. Tei roto Ronald A. Rasband i te ha’apurorora’a Mata ’e Mata.
Dale G. Renlund	(39) ’A rave ai te hō’ē tuahine nō Afirika Apato’a i te ’ōro’a, ’ua puta mai i roto iāna te huru fa’atumura’a i ni’a i te ta’ata hō’ē o te tusia a te Fa’aora.
Kent F. Richards	(118) I muri mai i te ha’amo’ara’a o te hō’ē hiero, ’ua bāpetizohia Kent F. Richards ’e tāna vahine nō tō rāua hui tupuna. ’Ua ’ite Kent F. Richards i te hō’ē ’utuāfare toru u’i i te ravera’a i te mau bāpetizora’a nō tō rātou mau tupuna.
Steven E. Snow	(36) ’Ua ha’eha’a atu ā, ’ua hōhonu atu ā ’e ’ua ateate atu ā te mau pure a Steven E. Snow ’e tōna ’utuāfare ’a ora noa mai ai tāna tamaiti i tōna pēpē i te upo’o.
Gary E. Stevenson	(29) I muri mai i te mo’era’a tāna mau tāviri pereo’o, ’ua ’ite Gary E. Stevenson i te hō’ē fa’aaura’a i roto i te mau tāviri tei tītauhia nō te tū’ama i te pereo’o ’e te mau tāviri autahu’ara’a nō te fa’atere i te ’Ēkālesia. Tē bāpetizohia ra tāna mau tamari’i nō te mau tupuna o te tahi ta’ata tei tae mai i te hiero, ’e te fa’aro’o noa rā teie metua vahine i te i’oa o tōna iho mau tupuna.
Dieter F. Uchtdorf	(101) ’Ua putapū Dieter F. Uchtdorf i te fa’auru o te Vārua Maita’i ’a feruri mā’ite ai ’oia i te patu-fa’ahou-ra’a-hia Dresden i Heremani, i muri mai i te Tama’i rahi II o te ao.
W. Christopher Waddell	(90) Tē tāfifi ra te hō’ē tamāroa i roto i te Paraimere ’ia feruri nō ni’a ia Iesu. ’Ua ’itehia mai te hau ’a fa’aro’o ai te hō’ē metua tāne ’e tāna vahine ē, ’ua tā’atihia rāua i tā rāua ’aiū tamāroa tei pohe.