150 hiero e ’ohipa ra
I roto i te tuha’a purera’a nō te sābati po’ipo’i o te ’āmuira’a, ’ua fa’aara te peresideni Thomas S. Monson i te ’ōpuara’a patura’a nō e maha fa’ahou hiero : i Belém, i Beresiria ; i Quito, i Equateur ; i Lima, i Peru ’e i Harare, i Zimbabwe.
Mai te ’āmuira’a rahi nō nā mua atu, ’ua tupu te mau ’ohipa hiero i muri nei :
Ha’amo’ara’a ’e ha’amo’a-fa’ahou-ra’a
’Ia tai’ohia te ha’amo’ara’a o te hiero nō Provo City Center i Provo, i Utah, i te fenua Marite, e 150 atu ra hiero e rave ra i te ’ohipa nā te ao tā’āto’a nei. ’Ua ha’amo’ahia teie hiero i te 20 nō māti 2016, tau mahana noa nā mua atu i te 180ra’a o te ’ōro’a fa’ahanahanara’a i te ha’amo’ara’a o te hiero nō Kirtland i te 27 nō māti 1836, te hiero mātāmua o te Fa’aho’i-fa’ahou-ra’a.
E toru fa’ahou hiero tei ha’amo’ahia ’aore rā tei ha’amo’a-fa’ahou-hia : te hiero nō Montreal Quebec i te ’āva’e novema 2015 ra, te hiero nō Tijuana Mehiko i te ’āva’e titema 2015 ra ’e te hiero nō Suva Fiti i te ’āva’e fepuare 2016.
’Ua tārena-ato’a-hia te ha’amo’aroa’a o te hiero nō Sapporo fenua Tāpōne i te 21 nō ’ātete 2016 ; te hiero nō Philadelphia Pennsylvania i te 18 nō setepa 2016 ; te hiero nō Fort Collins Colorado i te 16 nō ’ātopa 2016 ; te hiero nō Star Valley Wyoming i te 30 nō ’ātopa 2016 ’e te hiero nō Hartford Connecticut i te 20 nō novema 2016.
E ha’amo’a-fa’ahou-hia te hiero nō Freiberg Heremani tei fa’a’āpīhia i te 4 nō setepa 2016.
Patura’a ’e fa’a’āpīra’a
Tē tāmau noa nei te patura’a o te hiero nō Concepción Tirēni, Paris Farani, Roma Italia ’e teie mau hiero i te fenua Marite : Cedar City Utah, Meridian Idaho ’e Tucson Arizona. Tē mana’ohia ra te tai’o mahana fa’aotira’a mai te matahiti 2016 ’e 2018. Tē tia’ihia ra te fa’aotira’a nō te patura’a o te hiero nō Fortaleza Beresiria. Tē fa’aāpīhia ra te mau hiero nō Frankfurt Heremani, Jordan River Utah ’e Idaho Falls Idaho.
’Īritira’a repo fenua
’Ua ravehia te ’īritira’a repo fenua nō te hiero nō Lisbon Pōtītī i te ’āva’e titema 2015 ra ’e nō te mau hiero nō Barranquilla Colombia ’e Kinshasha fenua hau repupirita manahune nō Congo i te ’āva’e fepuare 2016 ra. ’Ua ravehia te ’īritira’a repo fenua nō te hiero nō Durban ’Āfirika Apato’a i te 9 nō ’ēperēra 2016.
Fa’anahonahora’a ’e fa’aineinera’a
’Ua fa’aarahia te mau hiero i muri nei, tei ni’a noa rā i te fa’anahonahora’a ’e te fa’aineinera’a i teie taime : Abidjan Côte d’Ivoire, Arequipa Peru, Bangkok Thailande, Port-au-Prince Haiti, Rio de Janeiro Beresiria, Urdaneta Philipino ’e Winnipeg Manitoba.