Rahi atu ā te mau nene’ira’a pāpa’ira’a mo’a e vai ra

’Aita i maoro a’enei, ’ua fa’aineinehia te mau pāpa’ira’a mo’a nā roto e rave rahi reo.

I roto i te reo pōtītī, tē vai ra i teienei te nene’ira’a pāpie o te Bībīlia ’e te nene’ira’a ’āpī o nā buka e toru. Tē vai ato’a ra te nene’ira’a rorouira mai te ’āva’e setepa 2015 ra i ni’a ia asescrituras.lds.org ’e i ni’a i te fa’anahora’a ’āfa’ifa’i Gospel Library. E roa’a te mau ha’amāramaramara’a hau atu nō te reo pōtītī i ni’a ia bibliasagrada.lds.org.

I roto i te reo pāniora, tē vai ra te mau nene’ira’a ’āpī i ni’a i te tahua ’itenati asescrituras.lds.org ’e i ni’a i te fa’anahora’a ’āfa’ifa’i Gospel Library. E noa’a mai te mau nene’ira’a pāpie ha’amata i te hope’a ’āva’e tiunu 2016.

’Ua oti te nene’ira’a pāpie nō nā buka e toru nā roto i te reo Marshallese, Xhosa, ’e Zulu ’e ’ua nene’i-pāpie-hia te Buka a Moromona nā roto i te reo Chuukese ’e e noa’a te reira i roto i te mau pū ’ōperera’a ’e tae noa atu i ni’a ia store.lds.org. E roa’a ato’a te reira nā ni’a i te ’itenati ’e i ni’a i te fa’anahora’a ’āfa’ifa’i Gospel Library.

E 16 reo ato’a tei ha’apararehia te mau pāpa’ira’a mo’a i ni’a i te LDS.org ’e te fa’anahora’a ’āfa’ifa’i Gospel Library, nā mua a’e e pāpie noa : ’oia ho’i, nā buka e toru reo afrika’ans, armenia, bulgaria, cambodia, fante, igbo, latvia, lithuania, shona ’e swahili ; nā reira ato’a te Buka a Moromona reo hindi, hmong, serbia, tok pisin, twi ’e yapese.