Tē tupu ra te ’Ēkālesia i ’Āfirika

’Ua tāmau noa te tupura’a o te ’Ēkālesia i ’Āfirika i ni’a i te hō’ē fāito pūai i nā matahiti 30 i ma’iri ē tae roa mai i teienei. I te ’ōmuara’a nō 2016, e 1 600 ’āmuira’a feiā mo’a i ’Āfirika, ’e ’ua hau i te ’āfa milioni melo nō te ’Ēkālesia—’ua tāta’i 11 ïa te rahira’a pāroisa ’e ’āma’a ’e ’ua tāta’i 20 ïa te rahira’a melo ’ia fa’aauhia i te matahiti 1985.

I te matahiti 2015, ’ua fa’anaho te ’Ēkālesia e 17 titi ’āpī i ’Āfirika.

Tē parau nei te mau feiā fa’atere ē, te tahi tumu nō teie tupura’a, ’o te ’evanelia ïa e fa’atumu nei i ni’a i te ’utuāfare. Tē parau nei João Castenheira, hō’ē peresideni titi nō Maputo, i Mozambique ē, « Tē ’imi nei te mau melo i te hō’ē ’ēkālesia e hōpoi mai i te ’oa’oa ia rātou, ’e tē hōpoi mai nei te ’evanelia a te Mesia tei fa’aho’i-fa’ahou-hia mai i te ’oa’oa i te mau ’utuāfare ».

« Tē mana’o pūai nei au ē, nō ’Āfirika teie taime », tē parau ra Elder Edward Dube nō te Hitu ’Ahuru, tei fānauhia i Zimbabwe. « Tei ni’a te rima o te Fatu i teie fenua ».