E hōho’a ’āpī tō te tuha’a nō te ’āmuira’a rahi i ni’a ia LDS.org

E ’ōhie fa’ahou mai te ’imira’a ’e te tuatāpapara’a i te mau a’ora’a o te ’āmuira’a rahi i teienei ’e ’aita tōna fa’aaura’a nā mua a’e, māuruuru ïa i te hōho’a ’āpī o te tuha’a nō te ’āmuira’a rahi i ni’a ia LDS.org. Te mau mea ta’a ’ē :

• Te ’ite-’oi’oi-ra’a i te mau a’ora’a nā roto i te hōho’a o te mau ta’ata a’o tei tu’uhia i pīha’i iho i te upo’o parau o te a’ora’a.

• Hō’ē noa tore tāpura ’ohipa i ni’a i te mau ’api ato’a, e fa’a’ōhie i (1) te hi’ora’a i te mau āmuira’a rahi ato’a mai te matahiti 1971 ’e tō teienei, (2) te rāve’a nō te mā’imira’a nā ni’a i te i’oa o te ta’ata a’o ’e (3) te rāve’a nō te mā’imira’a i te mau a’ora’a nā ni’a i te mau tumu parau o te ’evanelia.

• ’Ua fa’a’ōhiehia te piara’a o te mau a’ora’a tāta’itahi, tei ni’a i te mau tāpa’o iti nō te feiā e hina’aro e fa’aro’o, e fa’auta uira mai, e nene’i ’aore rā e fa’a’ite atu i te tahi ta’ata.

E mea au maita’i te hi’ora’a ’āpī nō te feiā e haere i ni’a i te mātini roro uira, te roro uira mana’a (portable) ’e te mau roro uira ’āfa’ifa’i. ’Ua oti a’ena te mau tauira’a i te ravehia nō te reo peretāne, pāniora ’e pōtītī, ’e e rave-ato’a-hia te reira nō e 80 reo ’e hau atu i roto i te mau ’āva’e i muri nei.

Hi’ohi’o i te mau tauira’a i ni’a ia conference.lds.org.