Elder Mark A. Bragg

Hitu ’Ahuru Hui Mana Fa’atere Rahi

I te 14ra’a o te matahiti o Mark Bragg, ’ua fa’a’itehia te ’Ēkālesia i tōna ’utuāfare e tōna mau hoa ha’uti baseball. ’Ua bāpetizohia Mark, ’e ’ua ho’i mai tōna metua vahine i te purera’a.

« ’Ua taui tō mātou orara’a », tē parau nei Elder Bragg.

’Ua fānauhia Mark Allyn Bragg i te 16 nō ’ēperēra 1962 i Santa Monica, i California, i te fenua Marite e Donald E. ’e e Diane Bragg.

I te haerera’a ’oia i te fare ha’api’ira’a tuatoru nō Utah, ’ua pi’ihia Elder Bragg e tāvini i roto i te misiōni nō Mexico Monterrey, i raro a’e i te fa’aterera’a a te peresideni misiōni Roy H. King ’e tāna vahine ’o Darlene O. King.

I te otira’a tāna misiōni, ’ua ha’amata Elder Bragg i te arapae i te tamāhine hope’a a tōna peresideni misiōni, ’o Yvonne. ’Ua fa’aipoipohia rāua i roto i te hiero nō Los Angeles California i te 17 nō māti 1984.

I muri mai i te pohe-’oi’oi-ra’a te metua tāne o Elder Bragg, ’ua ho’i mai rāua i California nō te ha’amata i tōna tōro’a i roto i te ’ohipa fare moni (’ua fa’aoti ’oia i tāna ’ohipa e mono peresideni ’oia nō te fare moni Bank of America), ’e nō te tāpiri mai i te metua vahine o Elder Bragg.

E hitu matahiti i muri iho te ’utuāfare Bragg i fānau ai te tamari’i. « E taime ihoa ’ua huru ha’amā ri’i māua, i rotopū ato’a i tō mātou mau fēti’i », tē ha’amana’o ra Elder Bragg.

I muri iho rā—« I te mahana numera hō’ē roa i roto i teie nei ao »—’ua fānau te tuahine Bragg i te tamari’i mātāmua o nā tamari’i e maha. « Tē ha’amana’o ra vau… ’ua mana’o vau ’aita e ta’ata ’oa’oa a’e iā’u i terā taime », tē parau ra Elder Bragg.

’Aita rā te orara’a i tere ’ōhie noa nō te ’utuāfare. Te mahana i muri mai i tōna pāturura’ahia ’ei ’episekōpo i roto i te pāroisa o tōna tamari’ira’a, ’ua fa’aru’e mai tōna metua vahine i roto i te tahi ’ohipa ’eiāra’a i roto i te pereo’o. ’O te hunara’a ta’ata pohe mātāmua ïa tāna i fa’atere ’ei ’episekōpo. « Tei reira te Sōtaiete Tauturu nō tō mātou ’utuāfare, i te mau mahana ato’a », tē ha’amana’o ra ’oia.

’Ua arata’i te reira mau ha’api’ira’a nō te here, te tāvinira’a ’e te aroha ta’ata ia Elder Bragg i roto i tāna tāvinira’a i roto i te ’Ēkālesia—’ei peresideni titi, ’ei Hitu ’Ahuru Ārea ’e ’ei rave ’ohipa i roto i te hiero.