2016
Te mau parau rahi nō roto mai i te 186ra’a o te ’āmuira’a rahi nō ’Ēperēra a Te ’Ēkālesia a Iesu Mesia i te Feiā Mo’a i te Mau Mahana Hope’a Nei
Me 2016

Te mau tumu rahi no roto mai i te 186ra’a o te ’āmuira’a rahi nō ’Ēperēra a Te ’Ēkālesia a Iesu Mesia i te Feiā Mo’a i te Mau Mahana Hope’a Nei

’Ua ha’amata te tuha’a purera’a o te po’ipo’i mahana mā’a na roto i te hō’ē ani-manihini-ra’a a te peresideni Henry B. Eyring ’ia fa’aitoito i te feiā e fa’aro’o mai ra ’ia pure nō te feiā a’o e nō te pupu hīmene, na mua a’e ’e i te taime a paraparau ai rātou. ’E i te ’ōpanira’a o te ’āmuira’a i te avatea sābati, ’ua parau o Elder Jeffrey R. Holland ē : « ’Ia ’ite noa atu ’outou i te mau mahana i muri nei… e tuha’a i roto i tō ’outou iho orara’a aita ā i ’aifāito i te mau poro’i i fa’aro’ohia i teie hope’a hopetoma, ’eiaha e ha’amaemae… E te mea maita’i i roto i te ’evanelia, ’oia ho’i, e tāpa’opa’ohia tā tātou mau tāmatara’a ’ia rave, noa atu ā ’aita tātou e manuia noa nei » (’api 125, 126).

Tō rātou pi’ira’a nō te ha’a i mua nei ’e ’ua fa’apūaihia ïa e te pi’ira’a a te peresideni Thomas S. Monson’s ē « a feruri ai tātou i te mau fa’aotira’a tā tātou e rave i roto i tō tātou orara’a i te mau mahana ato’a… Mai te mea e mā’iti tātou i te Mesia, ’ua rave ïa tātou i te mā’itira’a maita’i » (’api 86).

Te tahi atu mau parau rahi nō roto mai i te ’āmuira’a ’oia ho’i :

  • Te fa’aarara’a ïa a te peresideni Monson nō e maha hiero ’āpī : i Belém, Peretīria ; i Quito, Fenua Ētuatōria ; i Lima, Pērū (te piti o te hiero i reira) ; ’e i Harare, Timipāpue (hi’o te ’ā’amu i te ’api 142).

  • Te pāturura’a e 11 mau hui mana fa’atere rahi ’āpī (tō rātou parau ha’amata i te ’api 131).

  • Te pāturura’a i te peresidenira’a rahi ’āpi o te Paraimere (tō rātou parau ha’amata i te ’api 136).

  • Te fa’aarara’a nō te hō’ē ’ohipa ’āpī na te mau ta’ata tāta’itahi ’e te mau ’utuāfare ïa farerei atu i tō rātou iho vāhi ’ia tauturu i te mau titihoria (hi’o i te mau ’api 13, 111, ’e 141).

  • Fa’atumuhia i ni’a i te mau aura’a ’utuāfare, i ni’a ihoa ra i te ti’ara’a o te mau tāne, te mau metua tāne ’e te feiā e mau nei i te autahu’ara’a.

  • Te ha’api’ira’a tumu nō ō mai i te feiā a’o, teie ihoa ra tā Elder Dale G. Renlund : « A ha’afātata ai tātou i te Atua, e riro te mana fa’ati’a nō te Tāra’ehara a Iesu Mesia i te tae mai i roto i tō tātou orara’a. ’E, mai na pipi ra i haere i Emausa, e ’ite mai tātou ē, tei piha’i iho te Fa’aora i te roara’a o te tere » (’api 42).