Itinalagang mga Bagong Lider sa Area

Bisitahin ang news.lds.org para sa iba pang mga balita at kaganapan sa Simbahan.

Ibinalita ng Unang Panguluhan ang mga pagbabago sa pamunuan sa mga area, simula sa Agosto 1, 2017.

Ang Pitumpu ay tinatawag sa pamamagitan ng paghahayag, sa ilalim ng pamamahala ng Unang Panguluhan, upang tulungan ang Korum ng Labindalawang Apostol sa kanilang paglilingkod sa iba’t ibang dako ng mundo. Ang Panguluhan ng Pitumpu at mga Area Presidency ang namumuno sa mga lugar na nasasakupan, at ang mga lider sa area ay naglalakbay sa loob ng lugar ng kanilang destino para turuan at hikayatin ang mga lokal na lider at miyembro ng Simbahan.

Noong panahon ng ministeryo ni Cristo sa lupa, tinawag Niya ang Pitumpu, pinagbilinan sila sa paraang katulad ng pagbibilin Niya sa Labindalawang Apostol, at isinugo sila “mula sa kanyang harapan,” na ipinaliliwanag na yaong mga nakarinig sa kanilang tinig ay maririnig ang Kanyang tinig (tingnan sa Mateo 10:1, 16–17; Lucas 10).