2018
Mea na Faamamafa mai mai le Konafesi Aoao Faaletausaga Lona 188
May 2018

Mea na Faamamafa mai i le Konafesi Aoao Faaletausaga Lona 188

O lenei konafesi aoao sa iloga mo le tele o mafuaaga, e aofia ai le toe faatulagaina o korama o le Perisitua Mekisateko ma le amataga o se vaitau fou o le auaunaga. Ae atonu e sili ona faamoemoe i ai o lo tatou avanoa taitoatasi e lagolago ai Peresitene Russell M. Nelson o le Peresitene lona 17 O Le Ekalesia a Iesu Keriso o le Au Paia o Aso e Gata Ai.

O Se Faapotopotoga Paia

Ina ua tatou laulaututu ma lagolagoina se perofeta ma le Peresitene fou, o a tatou lima na siiina sa le’i faitauina e se tagata e faamaumauina, ae sa faamauina i le lagi o se feagaiga ma le Atua.

I le konafesi atoa, sa matou vaaia ai o le Ekalesia lava lenei a le Faaola, e taitaia e Ia e ala i Ana auauna. Sa matou molimauina le tulaga e faia e se perofeta soifua e faatatau ia i tatou taitoatasi—e le tu i le va o i tatou ma le Faaola ae e tu i autafa o i tatou ma faasino atu le ala i le Faaola. Sa matou oo i le avanoa e maua ai “se molimau patino o le valaauga a Peresitene Nelson e mai i le Atua” ma o le a taulaina “o tatou agaga i le Alii o Iesu Keriso [e ala] i le faalogo atu ia i latou Na te auina mai” (tagai Elder Neil L. Andersen i le itulau 26).

  • E mafai ona e aoao atili e uiga ia Peresitene Nelson i le itulau e 16 o le faaopoopoga faapitoa e faapipii atu i le Me 2018 Ensign ma le Liahona.

Lagolagoina o Taitai Fou

E faaopoopo atu i le lagolagoina o Peresitene Nelson, sa tatou lagolagoina le silia ma le 70 taitai fou.

  • Saili se lisi o i latou na lagolagoina, e aofia ai Fitugafulu Eria fou, i itulau 6–8, 28–29.

  • Faitau i talaaga puupuu o taitai fou e amata i le itulau 121.

Suiga i Korama ma Auaunaga

E ui sa faatulagaina e perofeta, o suiga na fofogaina i le konafesi “o ni faataitaiga o faaaliga [mai le Atua] na taialaina lenei Ekalesia mai lava i lona amataga,” na saunoa ai Elder Jeffrey R. Holland (tagai i le itulau 101).

  • Faitau i faatonuga e faatatau i le toe faatulagaina o korama mai ia Peresitene Nelson, Elder D. Todd Christofferson, ma Elder Ronald A. Rasband, e amata i le itulau 54.

  • Faitau i faatonuga e faatatau i le auaunaga mai ia Peresitene Nelson, Elder Holland, ma Sister Jean B. Bingham, e amata i le itulau 100.

  • Saili nisi faamatalaga e faatatau i nei suiga ma punaoa tau aoaoga i le vaega o talafou i le itulau 132–33.

Malumalu Faaopoopo

Ina ia faamamafa atu “la tatou savali i le lalolagi” e faapea “tatou te valaauliaina fanau uma a le Atua i itu uma e lua o le veli ia o mai i lo latou Faaola, maua faamanuiaga o le malumalu paia, maua le olioli tumau, ma agavaaa mo le ola e faavavau,” na fofoga ai e Peresitene Nelson malumalu fou e fitu.

  • Saili poo fea o le a faatuina ai malumalu fou e fitu, i le itulau 133.