E Fitu Malumalu Fou ua Fofogaina Mai

O le a fauina malumalu i Salta, Atenitina; Bengaluru, Inidia; Managua, Nikarakua; Cagayan de Oro, Filipaina; Layton, Iuta, ISA; Richmond, Virginia, ISA; ma se aai tele e lei iloa i Rusia, na fofoga mai ai e Peresitene Russell M. Nelson i le faaiuga o le sauniga o le konafesi aoao i le aoauli o le Aso Sa.

I le toetoe ai amata le konafesi, na fofoga mai ai e le Au Peresitene Sili o le a faapaiaina le Malumalu o Roma Italia i le Aso Sa 10 Mati, 2019, e oo atu i le Aso Sa 17 Mati, 2019. Sa faamatuu mai e le Ekalesia se atatosi faatino o le Malumalu o Bangkok Taialani.

I le masina o Oketopa 2017, na suatia ai le eleele mo le Malumalu o Port-au-Prince Haiti; ma le Malumalu o Meridian Idaho na faapaiaina ia Novema 2017; ma le Malumalu o Cedar City Iuta (ISA) na faapaiaina ia Tesema 2017.

E lua malumalu e le o toe mamao ona toefaapaia lea: o le Malumalu o Houston Texas i le Aso Sa, 22 Aperila 2018 i le mavae ai o le toefaaleleia ona o lologa ma le Malumalu o Jordan River Iuta i le Aso Sa 20 Me, 2018, i le maea ai o le faafouga. Ma e lua isi malumalu o le a faapaiaina i se taimi o lenei tausaga: o le Malumalu o Concepción Chile i le Aso Sa, 28 Oketopa, 2018; ma le Malumalu o Barranquilla Colombia i le Aso Sa, 9 Tesema, 2018.

O le a tapunia le Malumalu o Hamilton Niu Sila ia Iulai 2018 mo se faafouga tele ma o le a toe faapaiaina i le 2021.

E 159 malumalu o loo faagaoioia nei i le salafa o le lalolagi, faatasi ai ma malumalu e 30 ua fofogaina mai pe o loo fauina nei.