Elder Takashi Wada

Fitugafulu a le Au Pulega Aoao

I se aso malulu ia Novema, sa i ai se fesili mai se faifeautalai Amerika mo ni faatonuga e tau atu ai i le falemeli i le lotoifale na faateia ai Takashi Wada.

Na lapataia le 15 tausaga e lona tama e taumamao mai Mamona o e sa talanoa i tagata i magaala o Nagano, Iapani, lea e na o le tolu minute mai lo latou fale. Peitai, na maofa ia Takashi i le faaIapani a le faifeau Amerika.

I nai aso mulimuli ane, sa taofi foi e se isi faifeautalai ia Takashi. E lei leva talu ona i ai i Iapani. I se faaIapani tau panupanu, sa ia taumafai ai e faasoa atu le tala ia Iosefa Samita.

Sa lei malamalama ia Takashi i mea uma, “ae sa ou lagonaina sa tatau ona ou faalogo,” sa ia tomanatu ai.

Sa aoaoina o ia e faifefautalai i sitepu o le tatalo ma lesona. Sa alu o ia i sauniga a le Ekalesia ma sa ootia o ia i molimau a tagata o le au paia. O le mamafa ai o le lagona i faamoemoega o lona aiga Lotu Puta, sa ta’u atu ai pea e Takashi i faifeautalai, “E le mafai ona ou auai atu i le Lotu, ae ou te fia aoao atili pea.”

E lua tausaga mulimuli ane, a o lei tuua e Takashi mo suesuega i le Iunaite Setete i le 17 o ona tausaga, sa malilie ona matua e auai o ia i le Ekalesia.

O Elder Wada, o le sa soifua mai i le aso 5 Fepuari, 1966, ia Kenzo ma Kazuko Waka, na maua lona tikeri o le tagata malaga [BA] i mea tau gagana i le 1990 ma se tikeri o le matuaofaiva i le pulega o pisinisi i le 1996, mai le Iunivesite o Polika Iaga.

Sa faamisiona o ia i le Misiona i Matu i le Aai o Sate Leki ma sa faaipoipo ia Naomi Ueno i le aso 18 Iuni, 1995, i le Malumalu o Tokyo Iapani. E toalua o la atalii.

O matata faalegaluega a Elder Wada sa aofia ai le tele o tofiga i faalapotopotoga soofaatasi faaleatunuu i le Iunaite Setete ma Iapani, faapea foi le tulaga o le faatonusili mo mataupu faaletino mo le Ekalesia i Amerika Matu i Sisifo, Amerika Matu i Matusisifo, ma Eria o Asia i Matu.

O Elder Wada sa avea muamua ma epikopo, fautua maualuga, ma se faiaoga seminare. Sa avea o ia ma peresitene o le Misiona a Iapani Tokyo i Saute mai le 2013 e oo i le 2016. Sa lagolagoina Elder Clayton o se Fitugafulu o le Pulega Aoao i le aso 31 o Mati, 2018.