Elder Carl B. Cook

Au Peresitene o Fitugafulu

E talitonu Elder Carl B. Cook o le avanoa paia e auauna ai o se tasi o faamanuiaga silisili o le avea ai ma tagata i Le Ekalesia a Iesu Keriso o le Au Paia o Aso e Gata Ai. Peitai, na ia faailoa mai, o le taliaina ma le faalauteleina o valaauga e manaomia ai le faatuatua.

O Elder Cook, sa lagolagoina o se uso o le Au Peresitene o Fitugafulu i le aso 31 Mati, 2018, ua faatusaina tagata o le Ekalesia—o e galulue faatasi i paranesi ma uarota, korama, ma ausilali—i se “kia malosi” o se taavale, lea e faatulaga ai isi kia ia galulue faatasi ina ia atili ai ona malosi.

O le kia malosi, faatasi ai ma le tuuina ia ‘ai uma pau e fa, “e mafai ai ona e suia i se kia maualalo ma maua ai le malosi, ma agai ai i luma,” na ia saunoa ai i le konafesi aoao ia Oketopa 2016. E pei lava ona tuufaatasia ia kia ina ia maua ai atili le malosi, ua sili atu foi lo tatou malolosi pe a tatou tutu faatasi. A tatou aufaatasi e auauna atu i isi, ua sili atu mea tatou te ausia faatasi nai lo nao i tatou. E faagaeetia le auai ma le lotogatasi ao tatou auauna atu ma fesoasoani i le galuega a le Alii.”

Sa lagolagoina Elder Cook o se Fitugafulu o le Pulega Aoao i le aso 2 Aperila, 2011. A o lei lagolagoina lona tofiga fou, sa galue Elder Cook i le laumua o le Ekalesia, lea na ia fesoasoani ai i le vaaiga o le Eria i Amerika Matu i Sisifo, faatasi ai ma isi tiutetauave. Sa ia auauna muamua atu o se Peresitene o le Eria a Aferika Sautesasae.

Sa fautuaina e Elder Cook le Au Paia o Aso e Gata Ai e manatua o valaauga i le Ekalesia e mai le Atua e ala mai i Ana auauna faauuina.

“E oo mai faamanuiaga pe a tatou tumau i o tatou valaauga ma tiutetauave ma taofimau ma le faatuatua uma ua tatou maua.”

Na maua le tikeri o Elder Cook o le tagata malaga [BA] mai le Kolisi o Weber State i Iuta ma se tikeri o le matuaofaiva i le pulega taupisinisi mai le Iunivesite o le Setete o Iuta. A o lei valaauina i le Au Fitigafulu, sa faigaluega o ia i le atina’ega o le faatauga o fale ma fanua.

O le valaauga o Elder Cook e aofia ai le avea ma faifeautalai faamisiona i Hamburg, Siamani, o se epikopo, peresitene o le siteki, Fitugafulu Eria, ma le peresitene o le Misiona a Niu Sila i Aukilani.

Sa soifua mai o ia i Ogden, Iuta, ISA, i le aso 15 Oketopa, 1957. Sa faaipoipo o ia ia Lynette Hansen ia Tesema 1979. O i laua o ni matua o se fanau e toalima.