Bonnie H. Cordon

Peresitene Aoao o Tamaitai Talavou

O se mau e fiafia lava i ai Sister Bonnie H. Cordon e maua i le Mataupu Faavae ma Feagaiga 123:17: “Ia tatou faia ma le fiafia mea uma ua i ai i lo tatou mana; ona mafai lea ona tatou tutu, ma le mautinoa atoatoa, e vaai i le faaolataga a le Atua, ma mo lona aao e faaali mai.”

Ia te ia, o lenei fuaiupu e faamatala ai lesona sa ia aoaoina i lona olaga atoa. “E mafai ona tatou faia mea faigata, ae e mafai foi ona tatou faia ma le fiafia,” o le saunoaga lea a Sister Cordon, o le sa lagolagoina i le aso 31 Mati, 2018 e avea ma Peresitene Aoao fou o Tamaitai Talavou.

Sa faifai malie ona ia aoaoina lena malamalama i lona “soifuaga laki a o laitiiti” a o galue ai i se tamai faatoaga i sautesasae i Idaho ona sa ia toe faia foi a o ia tauivi e aoao se gagana fou o se faifeautalai i Potukale. Sa o se savali foi sa ia toe faia faafia i faifeautalai a o la galulue auauna atu ai ma lona toalua a o pulefaamalumalu o ia i le Misiona a Pasila Curitiba. Ma o se mea foi lea ua ia fuafua e faasoa atu i tamaitai talavou i le salafa o le lalolagi.

O le aso, o tamaitai talavou, sa ia saunoa ai, ua talosagaina ina ia laa i luga ma uunai i luma le galuega a le Alii. “Ma e mafai ona tatou faia,” sa ia faaopoopo mai ai.

Sa soifua mai Bonnie Hillam Cordon i le aso 11 Mati, 1964 ia Harold ma Carol Rasmussen Hillam i Idaho, Idaho, ISA. Ina ua maea lana misiona sa maua lona tikeri o le tagata malaga [BA] i mea tau a’oga i le Iunivesite o Polika Iaga, lea sa la feiloai ai ma Derek Lane Corton. Sa faaipoipo i laua i le aso 25 Aperila, 1986, i le Malumalu o Sate Leki. E toafa o laua alo ma fanau a fanau e toafa.

O lona soifua galue i le Ekalesia e aofia ai taimi sa avea ai ma taitai o le vasega pepe ma faiaoga seminare. A o lei valaauina o ia i tausaga e lua talu ai, e avea o se fesoasoani i le Au Peresitene Aoao o le Peraimeri, sa fiafia lava Sister Cordon e avea ma peresitene o Tamaitai Talavou i le siteki. E oo lava ina ua faamalolo o ia mai lena valaauga, “E lei tuua ai lava lo’u tatalo mo tamaitai talavou,” o lana saunoaga lea.

O se savali o loo naunau o ia e faasoa atu i tamaitai talavou i le lalolagi atoa e faapea e alofa o ia ia i latou, ma e sili atu i lena, e alofa le Atua ia i latou.