Elder Steven R. Bangerter

Fitugafulu a le Au Pulega Aoao

I le taimi o se malaga tolauapi a o laitiiti, sa tietie atu ai Elder Steven R. Bangerter ma lona aiga i uilaafi mo auala ‘alo i le tumutumu o se mauga. I lo latou toe foi mai i lalo, sa se ai o ia ma sa motuese ai o ia mai i isi.

A o tootuli o ia i lena aoauli ma aioi atu i lona Tama i le Lagi mo se fesoasoani, sa ia vaai faalemafaufau i le alasopo sa ia misia. I le taimi lava na toe amata ai ona ia alu ifo i lalo, “sa taunuu mai ai lo’u uso i le pito i luga o le alasopo i lana uilaafi, fusimau a’u, ma toe taiala au i le pogisa agai i le tolauapiga, lea sa faitau itula le mamao ese.

O lena mea ua na o se mea se tasi o le mau mea sa ia lagonaina ai le alofagia o ia i le taimi o lona laitiiti. “Sa leai lava se minute i lo’u olaga sa ou taumanatunatu ai pe sa alofagia pe manatulia foi au,” o le tala lea a Elder Bangerter.

Na soifua mai Elder Bangerter i le Aai o Sate Leki, Iuta, ISA ia Max E. ma Thelma R Bangerter i le aso 29 Iulai, 1961. Sa soifua ae o ia i Granger, Iuta.

I ni vaiaso o le toe foi mai le auauna ai i le Misiona i Kanata Vancouver, sa feiloai ai Elder Bangerter ma Susann Alexis Hughes. I le la evaga faamasani muamua, sa ia lagonaina ai i lona manao lotomaualalo e auauna atu, na uunaia ai o ia e faamalamalama ia te ia [Susann] i le la evaga faamasani lona lua Sa faamauina i ma’ua i le Malumalu o Sate Leki i le aso 17 Mati, 1983. O i la’ua o ni matua o se fanau tama e toaono.

Sa maua e Elder Bangerter se tikeri o le tagata malaga [BA] mai le Iunivesite o Arizona State i suesuega faalelotu ma se tikeri o le tofamanino i le tulafono mai le Kolisi o Tulafono o le Iunivesite o Western State. Mo le 25 tausaga ua tuanai, sa avea ai Elder Bangerter ma sui o ekalesia ma faalapotopotoga e faavae i le faatuatua i le tulafono i Kalefonia i Saute ma i Iuta saute. Sa faipaaga o ia ma Cooksey, Toolen, Gage, Duffy, ma Woog mai le 1993 e oo i le 2003; ma sa avea ma pule faatonu o le Bangerter, Frazier, ma Graff i le 2004.

Na avea Elder Bangerter ma Fitugafulu Eria, peresitene o le siteki, fesoasoani i se au peresitene o le siteki, epikopo, peresitene o le korama a toeaina, ma le peresitene o Alii Talavou.