Korama Ua Toe Faatulaga

O le vaega o faitaulaga sili a le uarota (po o le paranesi) ma le korama a toeaina o le a tuufaatasia nei i le korama e tasi a toeaina, na fofogaina mai ai e Peresitene Russell M. Nelson i le taimi o le sauniga perisitua o le konafesi aoao. O le a faaauau pea ona avea le au peresitene o le siteki ma au peresitene o le korama a faitaulaga sili i le siteki, ae o lena korama o le a aofia ai na o faitaulaga sili o loo galulue nei i le au peresitene o le siteki, i au epikopo, po o au fautua maualuga, ma peteriaka o loo galulue.

O le korama a toeaina o le a taitai’ia e se au peresitene e mafai ona aofia ai ni toeaina ma faitaulaga sili. O le peresitene o le korama a toeaina o le a lipoti atu i le peresitene o le siteki ma e fono e le aunoa ma le epikopo. O le a tumau pea i le mea e tasi ia tofi o le perisitua. O le au peresitene o i ai nei o le korama a toeaina (po o le paranesi) ma le au taitai o le vaega a faitaulaga sili o le a faamalolo, ma o le a tofia e le peresitene o le siteki se au peresitene fou o le korama a toeaina.