Elder Matthew L. Carpenter

Fitugafulu a le Au Pulega Aoao

E manatua e Elder Matthew L. Carpenter le uluai taimi na ia iloa ai le lagonaina o le Agaga Paia. O ia o se alii talavou, pe tusa ma le fitu tausaga le matua, sa nofo i le Peraimeri a tamaiti laiti. Sa sau se malamalama i totonu o le potu, ma sa ia maua se lagona o le mafanafana na te lei iloaina muamua.

“Sa ou lagonaina ni uunaiga i lo’u loto—e le faapea ona sa ou vevela,” na ia fai mai ai. “Sa ou iloaina e moni le Atua; sa ou lagonaina lena mea.”

Ina ua 11 tausaga le matua, sa auai atu o ia i se sauniga o le konafesi aoao i le Tapeneko i Sate Leki ma lona tama. O le uluai taimi lea sa i ai i le potu e tasi ma se perofeta, Peresitene Iosefa Filitia Samita.

“Ina ua ou vaai atu ia te ia,” sa ia fai mai ai, “na tuu mai e le Agaga le molimau ia te au o ia o le perofeta.”

O nei faamautuuga faaleagaga faigofie i lona laitiiti, sa fesoasoani ai ia te ia e vaai atu i le Agaga e fai ma tosinaga taiala i lona olaga atoa.

“O la’u molimau sa le o se aafiaga se tasi faaagelu,” na saunoa ai le Fitugafulu o le Pulega Aoao, o le sa lagolagoina i le aso 31 Mati, 2018, “ae sa atina’e ma faatupulaia i le gasologa o taimi.”

Na soifua mai Mathew Leslie Carpenter i le Aai o Sate Leki, Iuta, ISA, i le aso 21 Oketopa, 1959 ia Leone Erekson ma Robert Allred Carpenter. O ia o le uii o le fanau e toavalu a le ulugalii, ma sa soifua ae o ia i se aiga e toalima tuafafine matutua.

I lona toe masina i le aoga maualuga, sa la feiloai ai ma Michelle “Shelly” Brown. Sa amata ona la tafafao faamasani ae sa tolopo la la’ua masaniga a o faamisiona i le Misiona a Swiss Geneva mai le 1979 e oo i le 1981. Ina ua toe foi mai o ia, sa faaipoipo i la’ua i le Malumalu o Sate Leki i le aso 9 Iulai, 1982. O i laua o ni matua o se fanau e toalima.

O Elder Christensen e i ai sona tikeri o le tagata malaga [BA] i mea tautupe mai le Iunivesite o Polika Iaga ma se faailoga o le matuaofaiva i pulega o mea tau faapisinisi mai le Aoga Faapisinisi i Harvard. Talu ai nei lava sa avea ai o ia ma pule faatonusili o le Foundation Specialty Financing Fund.

Na avea ia Elder Carpenter ma epikopo, fesoasoani i se au epikopo, peresitene o Alii Talavou i le Siteki, fautua maualuga, peresitene o le siteki, ma le Fitugafulu Eria.