Talafaasolopito o Aiga: Iloa, Ao Mai, Faafesootai

E mafai ona fesoasoani fautua o talafaasolopito o aiga ma malumalu i le lotoifale i tagata o le Ekalesia ma isi ia maua le olioli lea e maua mai le iloaina, ao mai, ma le faafesootai ma augatuaa, e tusa ai ma le saunoaga a Elder Bradley D. Foster, o le Fitugafulu o le Au Pulega Aoao ma o le Faatonu o le Matagaluega o Talafaasolopito o Aiga a le Ekalesia.

E tofu tagata uma ma tala mai talafaasolopito o o latou aiga. Ma e mafai ona tutupu mea matagofie pe a amata ona e sailia ma maua i latou.

“O la matou faamamafa mo le tausaga a sau o le fesoasoani lea i faufautua e vaai i la latou matafaioi i le fesoasoani atu i tagata o le au paia ia maua lenei poto masani,” na saunoa ai Elder Foster. “Matou te faia lena mea e taitoatasi i le taimi. Matou te o atu i [tagata] po o fea lava o latou i ai, faatasi ai ma se faamamafa faapitoa ia i latou ua ta’i 12 tausaga ma i latou o tagata fou faatoa liliu mai.” O na vaega e lua e vave ona manuia mai le vaai i le auala e faamalolosia ai e le galuega faalemalumalu ia aiga e oo i le faavavau, ma e tele ina latou amatalia le naunautaiga ia latou uo ma aiga.

E oo lava ia i latou e le o ni tagata o le Ekalesia e mafai ona latou maua le poto masani e ala i le iloa-ao mai-faafesootai e ala i le fesoasoani e taitoatasi i le taimi, i soo se tasi o nofoaga tutotonu o talafaasolopito o aiga e silia ma le 5,000 i le salafa o le lalolagi.